Manava Dharmashastra 5.274
Manvarthamuktāvalī 5.274
- Language
- Sanskrit
5.274
varṣāsu maghāyuktatrayodaśī pūrvoktā vivakṣitā| tatrāpi "prauṣṭhapadāmatītāyāṃ maghāyuktāṃ trayodaśīm| prāpya śrāddhaṃ hi kartavyaṃ madhunā pāyasena ca'' iti śaṅkhavacanādbhādrakṛṣṇatrayodaśī pūrvetreha ca gṛhyate| pitaraḥ kilaivamāśāsate api nāma tathāvidhaḥ kaścidasmākaṃ kule bhūyāt yo'smabhyaṃ prakṛtāyāṃ trayodaśyāṃ tathā tithyantare'pi hastinaḥ pūrvāṃ diśaṃ gatāyāṃ chāyāyāṃ madhughṛtasaṃyuktaṃ pāyasaṃ dadyāt| natu trayodaśīhasticchāyayoḥ samuccayaḥ| tathāha viṣṇuḥ-‘‘api jāyeta so'smākaṃ kule kaścinnarottamaḥ| prāvṛṭkāle'site pakṣe trayodaśyāṃ samāhitaḥ| madhuplutena yaḥ śrāddhaṃ pāyasena samācaret|| kārtikaṃ sakalaṃ vāpi prākchāye kuñjarasya ca''|