Manava Dharmashastra 5.285
Manvarthamuktāvalī 5.285
- Language
- Sanskrit
5.285
sarvadā vighasabhojanaḥ syātsarvadā cāmṛtabhojano bhavet| vighasāmṛtapadayoraprasiddhatvādarthaṃ vyākurute| viprādibhuktaśeṣaṃ vighasa ucyate| darśapaurṇamāsādiyajñaśiṣṭaṃ puroḍāśādyamṛtam| sāmānyābhidhāne'pi prakṛtatvācchrāddhe viprabhuktaśeṣabhojanārtho'yaṃ vidhiḥ| ataeva "bhuñjītātithisaṃyuktaḥ sarvaṃ pitṛniṣevitam" iti smṛtyantaram| atithyādiviśeṣabhojanaṃ tu "avaśiṣṭaṃ tu dampatī" (a0 3 ślo0 116) ityanenaiva vihitam| tasyaiva yajñaśeṣatulyatvāpādanena stutyarthaṃ punarvacanamiti tu govindarājavyākhyānamanuṣṭhānaviśeṣānarhamaprākaraṇikaṃ ca |