Manava Dharmashastra 7.203

7.203

nadyādiṣu sarvadā snānamācaret| devakhāteṣviti taḍāgaviśeṣaṇam| devasaṃbandhitvena prasiddheṣu saraḥsu garteṣvaṣṭadhanuḥsahasrebhyo nyūnagatiṣu| taduktaṃ chandogapariśiṣṭe“dhanuḥsahasrāṇyaṣṭau ca gatiryāsāṃ na vidyate| na tā nadīśabdavahā gartāstāḥ parikīrtitāḥ||” caturhastapramāṇaṃ dhanuḥ| prasravaṇeṣu nirjhareṣu cānenaiva parakīyenipānavyāvṛttisiddhau yatpṛthagvacanaṃ tadātmīyotsṛṣṭataḍāgādiṣu snānādyanujñānārthaṃ, tadapi nadyādyasaṃbhave draṣṭavyam|