Manava Dharmashastra 2.28.4

Manubhāṣya 2.28.4

Language: Sanskrit

2.28.4

evamihāpyasaṃskāraiḥ saṃskārān samānīkṛtya tulyaphalatvādhyāropeṇa saṃskārāṇāmavaśyakatṝvyatāmācaṣṭe | tathā ca saṃskāraprakaraṇātrotkṛṣyate | stutiḥ kriyata iti ca vartamānāpadeśaḥ | na vidhivibhaktiḥ | tatra kuto brahmaprāpteḥ phalatvāvagamaḥ | na cātra karmāṇi vidhīyante, yenādhikārākāṅkṣāyāṃ satyapi vartamānanirdeśe rātrisatre pratiṣṭhāvatphalanirdeśaḥ syāt | tasmātsaṃskārastutyarthameva sarvametaducyate | ye'pi vibhāgena varṇayanti - "nityānāṃ brahmaprāptiphalaṃ kāmyānāṃ tu yathāśrutameva" tadapyapramāṇaṃ, sarvasyāsyārthavādatvāt | antareṇa ca phalaṃ nityeṣvanuṣṭhānasiddheḥ pratipāditatvāt | taduktaṃ 'kāmātmatā na praśasteti' (a. 2 ślo. 2) |

Previous: 2.28.3
Next: 2.29.1
Up: 2.28

Linked texts (1)

Mānava Dharmaśāstra — Manu & Bhṛgu, Sanskrit