Manava Dharmashastra 5.83

5.83

yasyaiṣā buddhiḥ ‘ya uktāstryahādayaḥ kalpāstulyaṃ daśāhena vikalpyante, na vṛttādivyavasthayeti, tataściratarakālamanyasya sambhave kimityekāhapacaṃ nityasvādhyāyakarmaśakaraṃ pratipatsye, daśāhamapāśrayāmi niṣkarmasukhamāsiṣya’ iti, —taṃ prati sauhārdena sā vyavasthā spaṣṭīkriyate | 'naite tulyā api tu vyavasthitā eva' | vyavasthā ca prāgdarśitā | anyathā yasyāśaucakālo vihitastasya tataḥ kālātvadhikasya kuto vṛddhiprāptiḥ yenaivamarthavatsyāt | vispaṣṭārthatve ko doṣaḥ | anye tvāhuratīteṣvapyahaḥsu yāvatsnānādikriyā na kṛtā tāvannaiva śuddhiḥ | “vipraḥ śuddhyatyapa” ityādi vakṣyati | tatrāśucitvādananuṣṭhāne na duṣyāmīti snānādiṣu śuddhaye na pravartate | tatraitaducyate ‘na vardhaye’nnātīteṣvahaḥsu bāhyāśauce vilambitavyam | ye tu—“ahaḥśabdo daśamasyāhno yā rātristasyāmāśaucaṃ na bhavatīti”—te na samyaṅmanyanta ityuktam | tathā ca gautamaḥ ( 14 | 6 ) “āśaucamadhya āśaucāntara utpanne taccheṣeṇa śuddhiḥ” ityuktvā ekasyāṃ rātrau śeṣāyāṃ tayaiva śuddhiṃ manyamāna āha “rātriśeṣe dvābhyāmiti” | pratyūhennāgniṣu kriyāḥ | aśucitvātsarvaśrautasmārtakriyānivṛttau prāptāyāmidamucyate | agniṣu yāḥ kriyāḥ sāyaṃhāmādyāstā na pratyūhenna pratyasyet | ‘pratyūho’ niryāsa ananuṣṭhānam | na ca svayaṃ kuryādata āha na ca tatkarma kurvāṇaḥ sanābhyo'pīti | sanābhyo'pi nāśuciḥ syātkiṃpunaranyaḥ | tathā gṛhyaṃ “nityāni nivarteranvatānavarjaṃ śālāgnau caika” ityuktvā āha “anya etāni kuryuuriti” | na ca yadanyādhānaṃ homamātrameva kriyate, kiṃtarhi sāṅgaprayogaḥ, tatraiva karturaṃrasya sambhavātpradhānahomasya tu dravyatyāgarūpatvātsvayaṃkartṛ taiva | ato homavaiśvadevadarśapūrṇamāsādyā nivartante | anyeṣāṃ tu japasandhyopāsanādīnāṃ nivṛttirna darśitā | tāni ca nityāni | ato 'nyeṣā mevābhyanujñānaṃ yataḥ smṛtyantare pratiṣiddhaṃ “homaḥ svādhyāyaśca nivarteta” iti | ato nityakāmyabhedena vyavasthā | kāmyaṃ tu naiva kartavyamaśucitvādadhikārāpagamāt | “nanu ca nityeṣvapi naivāśuceradhikāraḥ” | na ca śaucamaṅgam | yadi viguṇaṃ nityamanuṣṭhīyate, na kāmyamityucyate | athāsmādrūcanāṅgavati | maivam | iha yadapi mānaṃ tadsyānya etāni kuryuuriti parakartṛ tvamabhyanujñāyate | tacca viguṇatvānnityeṣūpapadyate na kāmyeṣu | vaiśvadeve tu vivadante | smṛtyantaraṃ codāharanti | “homaṃ tatra na kurvīta śuṣkadhānyaphalairapi | evaṃ yajñavidhānaṃ tu na kuryānmṛtyujanmanoḥ||” ataḥ sandhyāhomau darśapūrṇamāsau sāṃvatsarikaṃ cāśvayujyādi kartavyam | upākaraṇaṃ tu nakṣatrāśrayameva, na paurṇamāsyāśrayam |

On seeing unclean things, the man, after having sipped water, shall always attentively recite the Solar Mantras according to his inclination, as also the Pāvamānī verses, according to his capacity.—(85).