Manava Dharmashastra 5.84

5.84

divākīrtiścāṇḍālaḥ, atyantāśucisāhacaryādbhārate ca prayogadarśanānmārjāramūṣikasaṃvāde “tasminnapi ca kāle'bhūddivākīrtirbhayārditaḥ” iti | na nāpitaḥ, tasya pṛśyatvāt bhojyānnatvācca | yattu śmaśrukarmaṇi tasyedaṃ snānamityāhustadapi siddhatvādvācyam | avaśyaṃ śmaśrukarmāṇi kārayato romāṇi gātrāṇi spṛśanti, tāni śarīrāt cyutānyaśuddhānīti siddhaṃ snānam |
tatspṛṣṭinaṃ tasya spṛṣṭaṃ ‘tatspṛṣṭaṃ’, tadasyāstīti ‘tatspṛṣṭī’ | yenaite spṛṣṭāsteṣāmapi snānameva |
iha sarvasyāpratyāsatteḥ tatspṛṣṭinamityanena sambandhaḥ śavasyaiva kecidāhurna divākīrtyādīnām | anye tu ekavākyopanipātādante śrutatvātsarveṣāṃ buddhau sannidhānāt tacchabdena sarvanāmnā parāmarśa iti | atra hi śavaparyantānāṃ dvandvaṃ kṛtvā spṛṣṭītyanena sambandhaḥ | tanna tatspṛṣṭīti samāsārthasya buddhau sannihitatvāttacchabdenāvamarśaḥ | na hi kevalasya śavasya spṛṣṭipadena sambandho lakṣyate, patitādibhiritaretarayuktatvāt | kiṃtu kevalasya padāntarasambandhaḥ | dvandve hyekaikaḥ śabdaḥ sarvārthābhidhāyī | tataḥ sarve pratyāsannāḥ | athāpi śavaspṛṣṭiśabdasya tatspṛṣṭipadena sambandhaṃ kṛtvā tato'nyairabhisambandhaḥ, tathā sati patitādīnāṃ spṛṣṭipadena sambandho na syāt |
tasmātsamācārata eva nirṇayaḥ |

On seeing unclean things, the man, after having sipped water, shall always attentively recite the Solar Mantras according to his inclination, as also the Pāvamānī verses, according to his capacity.—(85).