Manava Dharmashastra 9.25
Manvarthacandrikā 9.25
- Language
- Sanskrit
9.25
( 4 ) rāghavānandaḥ | vartiṣyamāṇaṃvaktuṃvṛttaṃnigamayati eṣeti | yoniḥkāraṇam | śrutismṛtisadācārabrāhmaṇopadeśairvinā dharmona jāyataiti bhāvaḥ | saṃbhavaḥ prathamādhyāyoktaḥsargaḥ | varṇadharmāniti tena bhaviṣyapurāṇoktānāṃvarṇamāśrityayodharmovarṇadharmaḥsaucyate | yathā vipronna hantavyaḥsurāpeyā na ca dvijaiḥ | yastvāśramaṃsamāśrityaadhikāraḥpravartate || sakhalvāśramadharmastubhikṣādaṇḍādikoyathā | varṇatvamāśramatvaṃca yodhikṛtya pravartate || savarṇāśramadharmastumauñjīyamekhalā yathā || yoguṇena samudbhūtoguṇadharmaḥsa ucyate || yathāmūrdhābhiṣiktasya prajānāṃparipālanam | nimittamekamāśritya yodharmaḥ saṃpravartate || naimittikaḥ savijñeyaḥ prāyaścittaṃ vidhīyate | ityādivarṇāśramaguṇanaimittikadharmāṇāṃpañcānāṃsaṃgrahaḥ |