Danasagara 23.1.15
Dānasāgara 23.1.15
- Language
- Sanskrit
23.1.15
tato gurvṛtvigbhyo grāmaṃ ratnāni ca dakṣiṇāṃ dadyāt | tad yathā - oṃ ¹⁴adyāmukāmukasagotrebhyo'mukāmukavedā mukāmukaśākhādhyāyibhyo'mukāmukadevaśarmabhyo yuṣmabhyaṃ kṛtaitaddānakarmapratiṣṭhārthaṃ ¹⁵dakṣiṇāmiyadutpattiyogyāṃ bhūmimetāni ca¹⁶ ratnāni dadāni | pratigrahītāraḥ
svastītyuktvā svaṃ svaṃ suvarṇābhāgaṃ pratyekaṃ spṛśeyuḥ | vitānañca vākyamantareṇa gurave pratipādanīyaṃ,
gurvṛtvikapramukhabrāhmaṇebhyastaddānā sambhavāt | evaṃ gurvṛtvikapramukhabrāhmaṇadeyamahādāneṣu sarveṣu
boddhavyam | yadvā ātmatulitasuvarṇasyārddhaṃ gurave aparamarddhamṛtvigbhya¹⁷ dadyāt | tatra
dānavākye - oṃ adyāmukāmuka sagotrebhyo'mukāmuka-¹⁸vedā mukāmukaśākhādhyāyibhyo'mukāmukadevaśarmabhyo yuṣmabhyaṃ matsyapurāṇoktabhāga-¹⁹vyavasthayā phalapuṣpopaśobhitapañcavarṇavitānakasahitamiti ca ²⁰viśeṣaḥ
tato jāpakebhyo dakṣiṇāṃ dadyāt | ¹oṃ adyāmukāmukagotrebhyaḥ amukāmukavedāmukāmukaśākhādhyāyibhyaḥ amukāmukadevaśarmabhyo yuṣmabhyaṃ kṛtaitacchāntikādhyāyajapakarmapratiṣṭhārthaṃ dakṣiṇāmetat kāñcanaṃ dadāni | jāpakāḥ svastīti vadeyuḥ² | tato yathāsambhavaṃ dānasasayopa³-sthitān
dīnānāthāṃśca ⁴taṇḍulakapardakādibhistarpayet | tataḥ ⁵pūrvavad brāhmaṇatrayaṃ puṇyāhādivācanaṃ
kārayet | tataḥ śīghraṃ tat suvarṇaṃ yathāyathaṃ ⁶vibhajya dadyāt | ⁷[atra ca dānavākye] amukadeśe amukakāle ityukta-⁸[tattannimittollekhaḥ kartavyaḥ | evañcāvartā⁹ntareṣvapi yatra deśakālaviśeṣaśrutirasti, tatrā-¹0]mukadeśe amukakāle iti ¹1tadullekhaḥ karaṇīyaḥ
iti tulāpuruṣamahādānaṃ samāptam | ]