Danasagara 23.1.6
Dānasāgara 23.1.6
- Language
- Sanskrit
23.1.6
evaṃ sarvamanuṣṭhānaṃ kṛtvā,] gurumṛtvijo jāpakāṃśca varaṇāthapakalpitavastrādyalaṅkārairya thāyathamabhyarcya, prathamaṃ guruṃ dakṣiṇajānuni vidhṛtya varayet | adyāmuka sagotram amuka
vedāmuka śākhādhyāyinam amukadevaśarmmāṇam asmiṃstulāpuruṣamahādānakarmaṇi gurukarma kartuṃ
tvāmahaṃ vṛṇe | oṃvṛto'smīti prativacanam | tato yajamāno [yathāvihitaṃ karma
kurvviti vadet | yathājñānaṃ karavāṇīti ] guruḥ | ṛtviġjāpakānāṃ varaṇe varaṇavākye
gurukarma kartumiti sthāne ṛtvikkarma kartu śāntikādhyāyajapakarma kartumiti yathākramaṃ
niveśo viśeṣaḥ | tato gurave ṛtvigbhyo jāpakebhyaśca yathāśaktyā madhuparkaṃ dadyāt
tato gurvṛtvigyajamānajāpakā upavaseyuḥ | etadapi candrātapabandhanādyupavāsāntaṃ
karma sarvamahādānasādhāraṇam | [varaṇavākye tu ] tulāpuruṣapadasthāne tattanmahādānapadaprakṣepaḥ
karttavyaḥ
[aparedyuśca kṛtanityaṃ] pūrvādi kuṇḍeṣu ṛgyajuḥsāmātharva krameṇa eko hotā aparo
brahmeti brāhmaṇadvayaṃ niyuktaṃ svasvagṛhyoktavidhinā agnyupasamādhānaṃ kuryāt | jāpakāśca
ṛgvedādi'krameṇa pūrvādidvāreṣūpaviśya śāntikādhyāyaṃ japeyuḥ | śāntikādhyāyaśca 'śaṃ na
indrāgnī bhavatāmavobhi'riti pañcadaśarcaṃ śāntisūktamṛgvede | 'ṛcaṃ vācami'ti śāntikādhyāyo
3 yajurvede | 'kayā naścitra' iti tṛcaṃ sāmavede | 'śaṃ no devī'-'śaṃ na indrāgnī' iti dve
dve kaṇḍike, 'sammāvāta' ityūk, 'śāntā dyau'riti kaṇḍiketi śāntigaṇo'tharvavede