Dharmapradipa 10.p1.5

Dharmapradīpa 10.p1.5

Language: Sanskrit

10.p1.5

tathā sati kiṃ 'paurvāhnikāstu tithaya' iti vacanena parā grāhyā, kiṃvā yugmādivākyena pūrveti vīkṣāyāṃ yugmavākyasya tithiviśeṣaviṣayatvāttadanusaraṇamitimādhavaḥ| ayācite tu viśeṣavacanābhāvādupavāsavannirṇaya iti kamalākaraḥ | ayācitasyānnasya kadācitprātarādikāle lābhe'pi aṣṭadhā vibhaktadinasya prathame bhāge praharadvayopari arddhapraharābhyantare ayācitaṃ yathāvidhi bhoktavyaṃ tatkālasya sāmānyato hi bhojane mukhyatvāt sārddhapraharadvayānantaraṃ tallābhe tu sati sāmarthye'stādūrdhvakāla eva bhoktavyamiti rāmaprakāśaḥ | mama tu evaṃ bhāti nityakarmānuṣṭhānānantaraṃ yasminkāle'yācitānnopalabdhistatraiva bhoktavyaṃ tatkālavidhāyakaviśeṣavacanābhāvāt

Previous: 10.p1.4
Next: 10.p2
Up: 10.p1

Linked texts (1)

Dharmapradīpa (Bhairavadatta Dvivedin) — Bhairavadatta Dvivedin, Sanskrit