Dharmapradipa 16.p10

16.p10

skare 'rudravrateṣvi'tyādivacanāt| ubhayadine tathā prāptau saṃpūrṇatvātpareti rāmaprakāśaḥ | atra kārtikavratodyāpanamapi pādme | rāmaprakāśe nirṇayāmṛte ceyaṃ pāṣāṇacaturdaśī naktamatra devīpūjoktā nalakūcarvataśca | iyaṃ parā 'amāpaurṇamāsyau pare' iti kālanirṇayokteḥ| atra viśeṣo hemādrau brāhme"puṇyā mahākārtikī syājjīvendvoḥ kṛttikāsu ca |” kiṃca"prājāpatyaṃ yadā ṛkṣaṃ tithau tasyāṃ narādhipa | sā mahākārtikī proktā devānāmapi durlabhā||" iti | pādme"viśākhāsu yadā bhānuḥkṛttikāsu ca candramāḥ | sa yogaḥ padmako nāma puṣkareṣvatidurlabhaḥ || padmakaṃ puṣkare prāpya kapilāṃ yaḥ prayacchati | sa hitvā sarvapāpāni vaiṣṇavaṃ labhate padam||" ityādi | atraiva sāyaṃkāle matsyāvatāro jāta ityuktaṃ pādme kārtikamāhātmye | atraiva sandhyāyāṃ tripurotsava ukto bhārgavārcanadīpikāyām | “paurṇamāsyāṃ tu sandhyāyāṃ kartavyastripurotsavaḥ|” iti |dīpadānaśca surālaye taddarśanājjīvamātrasya muktiriti ca | atra vṛṣotsargo'tipraśastaḥ | taduktaṃ mātsye"kārtikyāṃ yo vṛṣotsargaṃ kṛtvā naktaṃ samācaret | śainaṃ padamavāpnoti śivavratamidaṃ smṛtam||”