Dharmapradipa 16.p9

16.p9

“dharmarāja namastubhyaṃ namaste yamunāgraja | pāhi māṃ kiṃkaraiḥ sārddhaṃ sūryaputra namostute || yamasvasarnamaste'stu yamune lokapūjite | varadā bhava me nityaṃ sūryaputri namostu te||” iti | tṛ03-... ... ... ... ... ca04-nāgacaturthīkālādarśejasmantabhāskare ca parā|iyameva dūrvācaturthī madhyāhnavyāpinī | ubhayadine tattve dūrvācaturthī pūrvā ‘nāgacaturthī parā’kṣaye utne api pūrve iti mādhavaḥ | pa05-... ... ... ... ... pa06-svāmikārtikīyaṃ pūrvayutā vratārkadīpikāmādhavīyeṣu | kālastu āpāḍhaśuklaṣaṣṭhayuktaskandavrate ukto draṣṭavyaḥ | sa07-iyaṃ kalpādiḥ pūrvāhnavyāpinī | a08-iyaṃ gopāṣṭamī udayavyāpinī pareti jasmantabhāskaraḥ | navamīyutā karttavyā sāmānyanirṇayoktayugmāditi rāmaprakāśaḥ | na09-iyaṃ yugādiḥ pūrvāhnavyāpinī jasmantabhāskare | nirṇayasindhāvapyevam | iyamevākṣayanavamī udayavyāpinī kṣaye vṛddhau ca pūrvā | atraiva viṣṇuvrataṃ trirātramuktaṃ hemādrau pādme ‘kārttike śuklanavamīmavāpye' tyādinā| sauvarṇahariṇā tulasyā vivāhaṃ kuryātityuktam| rāmaprakāśepyevamudayavyāpinī | "yugādyā varṣavṛddhiśca saptamī pārvatīpriyā | raverudayamīkṣante na tatra tithiyugmatā||” iti | da0 10:- atra rāmaprakāśasthavarāhapurāṇe sārvabhaumavratamuktam | tatra daśadikṣu balidānamarddharātre bhojanamiti | e0 11- atra bhīṣmapañcakavratamuktaṃ nirṇayasindhusthanāradīye"ato naraiḥprayatnena karttavyaṃ bhīṣmapañcakam” ityādyukteḥ | iyameva devabodhinī rātri vyāpinī nirṇayasindhujasmantabhāskarayoḥ pādme"ekādaśyāṃ tu śuklāyāṃ kārtike māsi keśavam | prasuptaṃ bodhayedrātrau śraddhābhaktisamāyutaḥ||” iti| ekādaśyāḥkṣaye vṛddhau ca pūrvā mantre rātri padopādānāduttaradine rātrau tadabhāvāt| atra vaiṣṇavānāṃ kṣaye dvādaśyāmupavāso vṛddhau cottarehni| yacca rāmārcanacandrikādiṣu dvādaśyāṃ devabodhanam, yacca 'nidrāṃ tyajati kārttikyāmi'ti yamavacanena pūrṇimāyamuktaṃ, taddeśācārādvyavasthāpyam | tadvidhiśca"tatraiva devadevasya snānaṃ pūrvaṃ mahadbhavet | mahāpūjāṃ tataḥ kṛtvā devamutthāpayetsudhīḥ ||” mantrāstu vārāhapurāṇe uktāḥ 'brahmendre'tyādi | “uttiṣṭhottiṣṭha govinda tyaja nidrāṃ jagatpate | tvayi supte jagannātha jagatsuptaṃ bhavedidam ||” ityādayaḥ | dvijānāṃ tu ‘idaṃ viṣṇurvicakrame’ ityādimantraḥ | evaṃ devamutthāpya cāturmāsyavratasamāptiṃ kuryāt | bhārate tu dvādaśyāṃ samāptiruktā | dvā0 12-atra nīrājanadvādaśīvratamuktaṃ pratāpamārttaṇḍe“kārtike śuklapakṣasya dvādaśyāṃ rajanīmukhe | suptotthite jagannāthe snātvā śuklāmbaraḥ śuciḥ || janayitvā navaṃ vahniṃ hutvā mantrairdvijottamaiḥ ||” | viṣṇuṃ saṃpūjya lakṣmyādidevatānāṃ nīrājanaṃ vidhāya goturaṅgādīnāñca tataḥkulāṅganā veśyā vā siṃhāsanopaviṣṭanṛpaṃ nīrājayeyuḥ|tataḥ sainyanīrājanaṃ taccārogyadīrghāyuḥpuṣṭyādiphalakam | atraiva vaiṣṇavairviṣṇudevālaye dhvajāropaṇaṃ kāryam | iyaṃ manvādiḥ pūrvāhnavyāpinīti nirṇayasindhujasmantabhāskarayoḥ|atraiva revatīnakṣatrayogarahitāyāṃ pāraṇaṃ kāryaṃ yadā revatīyogarahitā dvādaśī sarvathā na labhyate tadā revatyāścaturthapādaṃ varjayediti nirṇayasindhau | atra nirṇayāmṛte yogeśvaravratamuktaṃ tatraikādaśyāṃ vrataṃ dvādaśyāṃ dānam | tra0 13-... ... ... ... ... ca0 14-vaikuṇṭhacaturdaśīyaṃ viṣṇupūjāyāṃ rātriṃ vyāpinī nirṇa-