Dharmapradipa 17.p1

17.p1

pra01-atrodaye rohiṇīnakṣatrayoge snānenānekaśatasūryagrahaṇasnānasamaṃ phalamuktaṃ rāmaprakāśe | gauḍanibandhīyabhaviṣye“rohiṇyā pratipadyuktā mārge māsi sitetarā | gaṅgāyāṃ yadi labhyeta sūryagrahaśataiḥ samā||” iti|ubhayapakṣīyodayagāmipratipadipūrvāhṇa eva vratadānādikāryamupavāsātiriktamupavāsasya pūrvaviddhāvidhānāt| dvi02-... ... ... ... ... tṛ03-atra saubhāgyasundarīvrataṃ caturthīyutāyāṃ yugmavākyāditi vratārke | kṣaye pūrveti mādhavīye | caturthī4-....................................... pañcamī5-....................................... ṣaṣṭhī6-.......................................... saptamī7-....................................... a08-atra kālāṣṭamīvratamuktaṃ jasmantabhāskarasthakāśīkhaṇḍe | tatra rātrivyāpinī grāhyā | dinadvaye tatra sattve pūrveti rudravrateṣvityādyukteruttareti kecit | pradoṣe bhairavotpatteḥ| kṣaye pūrvaiva| nirṇayasindhau tu madhyāhnavyāpinī | śivarahasye madhyāhne bhairavotpatteḥ śravaṇāt| tathā ca tatraiva nityayātrādikaṃ kṛtvā ‘madhyāhne saṃsthite ravau' ityupakramya brahmaṇā rudre'vajñāte uktaṃ “tadroparūpādanavadyānmataḥ śrīkālabhairavaḥ | āvirāsīttadā lokānbhīṣayannakhilānapi||” iti | atropavāsa eva pradhānamityuktaṃ tatraiva“upoṣaṇasyāṅgabhūtamadhyedānamiha smṛtam | tathā jāgaraṇaṃ rātrau pūjā yāmacatuṣṭaye ||” iti | sandhyāyāmapi pūjoktā | pāraṇā tu prātareva 'yāmatrayordhvagāminyāmi'tyādyukteḥ | dinadvayeṃśataḥ sampūrṇāyāṃ tadvyāptau pūrvaivoktavacanāt | atraiva kālatīrthodakasnānatarpaṇottaraṃ kālabhairavadarśanaṃ pūrvāhne | atra rāmaprakāśe rukmiṇyaṣṭamīvratamuktaṃ saptavarṣaparyantam | tatra candrodayavyāpinī grāhyā