Dharmapradipa 17.p2

17.p2

dvā012-... ... ... ... ... tra013-... ... ... ... ... ca014-... ... ... ... ... a030- atra gaurītapovrataṃ vratāke'ṅgirasoktam| tatra madhyāhnaḥ pūjopakramakālaḥ| sāyaṃkālo mukhyaḥ| atrāṣṭādaśaghaṭikā caturdaśī cettadā 'bhūtoṣṭādaśanāḍībhirdūṣayatyuttarāṃ tithim' iti mādhavokteḥparā| kṣaye vṛddhau ca pūrvā ubhayakālasattvāt| mārgaśuklapakṣīyapratipadāditithinirṇayaḥ| .pra01- atra rudrapūjopavāsau pūrvaviddhāyāṃ pradoṣavyāpinyāṃ mādhavīye uktau| atraiva dhānyavratamapi| atra viṣṇupūjanādi codayavyāpinyām| atra pradoṣorkāstādupari ghaṭitrayātmakā'rddhayāmo vā gṛhasthasya| yatividhavayostu muhūrttonaṃ dinaṃ pradoṣaḥ| ubhayadine tatsattve'sattve vā pareti mādhavaḥ| dvi02- atrodayavyāpinyāṃ suvarṇadarśanam| tṛ03- bhaviṣaye rambhākhyeyaṃ pūrvavannirṇayo'syāḥ| ca04- atra varṣacatuṣṭayasādhyaṃ varadacaturthyākhyaṃ gaṇeśavratamuktaṃ nirṇayāmṛte naktam| paṃ05- iyamapi nāgapañcamī"śukle mārgaśire puṇyā śrāvaṇe yā ca pañcamī| snānadānairbahuphalā nāgalokapradāyinī ||” iti hemādrau skāndāt | iyaṃ nāgapūjāyāṃ ṣaṣṭhīyutā grāhyā | “pañcamī nāgapūjāyāṃ kāryā ṣaṣṭhīsamanvitā | tasyāṃ tu tuṣitā nāgā itarā sacaturthikā ||” iti madanaratnavacanāditi nirṇayasindhujasmantabhāskaramādhavīyadīpikāḥ| upavāse tu pūrveti śrāvaṇaśuklapañcamīnirṇaye jasmantabhāskare uktam | pa06-atra skandapūjoktāmadhyāhne| tadvrate tu sāyāhnavyāpinī| pratāpamārtaṇḍe ubhayadine tattve pūrvaviddhā ‘kṛṣṇāṣṭamī skandaṣaṣṭhī śivarātriścaturdaśī| etāḥ pūrvayutāḥ kāryā’ iti|mādhavīye'pyevam|dīpikāvratārkayorapyevam| nirṇayasindhusthadivodāsastu parehni rātrāvādyayāmamadhye pāraṇasambhave idamanyathottareti| idamabdaparyantaṃ ṣaṣṭhīṣu kāryam| iyaṃ campāṣaṣṭhīti mahārāṣṭreṣu prasiddhā sottarāyutā grāhyā ‘ṣaṇmunyore’ ti yugmavākyāt | ‘pūrvāhne daivikaṃ kuryādi’ti vacanādasya ca daivakarmatvāt| asyāṃ yogaviśeṣa ukto brahmāṇḍapurāṇe malhārimāhātmye“mārge bhādrapade śuklā ṣaṣṭhī vaidhṛtisaṃyutā | ravivāreṇa saṃyuktā campetīha prakīrtitā || viśākhābhaumayogena sā campetīha viśrutā ||” iti madanaratne pāṭhaḥ | “mārgaśīrṣe'male pakṣe ṣaṣṭhyāṃ vāreṃśumālinaḥ | śatatārāgate candre liṃgaṃ syāddṛṣṭigocaram||” iti | iyaṃ yogavaśātpūrvā parā veti nirṇayasindhuḥ | saptamīyuteti divodāsaḥ | tadabhāve tu saptamīyuteti jasmantabhāskaraḥ | ravivāraśatatārādyabhāva ityabhāvārthaḥ| sa 0 7-iyaṃ mitrasaptamī pūrvāhvavyāpinī | ubhayatra tattve pūrvayutā dīpikāmādhavīyajasmantabhāskereṣu | a 0 8-atra rāmaprakāśasthabrahmapurāṇe mallārirūpamahādevapūjoktā | atra vaidhṛtiravivārayoge'tiprāśastyam | eṣā pūrvā | “rudravrateṣu sarveṣu karttavyā sammukhī tithiḥ|” iti vacanāt | na 0 9-iyaṃ nandinīnāmyuktā nirṇayāmṛte | atra devī pūjā vrataṃ trirātraṃ bhaviṣyottare | rāmaprakāśepyevam | da 0 10-… … … … … e 0 11-… … … … … dvā 0 12-atra nirṇayā'mṛte dharaṇīvratamuktaṃ taccāhorātrasādhyam | tra 0 13-iyamanaṅgatrayodaśī | purā dagdhena kāmena kṛtā | ata“anaṅgo bhagavānviṣṇustenāmūrtiragocaraḥ | sa eva devo yenāhyāstenānaṅgatayodaśī ||” iti| tatra nadyādau snānaṃ vidhāya mahādevaliṅgaṃ pūjayet| tato homastato madhumatyā sahitamanaṅgaṃ pūjayet| tato madhuptāśanamityādi varṣaparyantaṃ vrataṃ kāryaṃ varṣānte udyāpanamumāmaheśvarapratimādānañca| atra yamā'darśanavrataṃ tatra sūryopāsakānpañcāṣṭau vā dvijān yamanāmnā tilatailenābhyajya snāpayet tatastānprāṅmukhānupaveśya guḍāpūpādipakvānnaṃ bhojayet tatastāṃstāmrapātrasthasuvarṇārkapratimācchatrādikaṃ tebhyo yamakiṅkaranāmnā dadyāt | athaikabhaktaṃ naktamupavāso vā tatraikabhakte madhyāhnaḥ nakte pradoṣaḥ upavāse'horātraḥ pūjane pūrvāhnaḥ kālaḥ | etadvrataphalaṃ viṣṇulokaprāptiḥ | atra vrataviśeṣayogaviśeṣeṇa karttavyatoktā padmapurāṇe | “yadā trayodaśī śuklā mandavāreṇa saṃyutā | ārabdhavyaṃ vrataṃ tatra saṃtānaphalasiddhaye || ṛṇanirmocanārthaṃ tu bhaumavāreṇa saṃyutā | saubhāgyaśrīsamṛddhyarthaṃ śukravāreṇa saṃyutā || āyurārogyasiddhayarthaṃ bhānuvāreṇa saṃyutā | śanisomaviśeṣeṇa parā grāhyā trayodaśī || anyathā tu prakarttavyā pūrvaviddhā sadā naraiḥ||” iti| nirṇayāmṛtadīpikājasmantabhāskararāmapra-