Dharmapradipa 17.p3

17.p3

kāśeṣu pūrvāviddhā pradoṣavyāpinī | mādhavīye tvaparāhavyāpinī parā ca | atra viṣṇupūjā ca pūrvāhne | matsyapurāṇe tu sarvamāsīyapakṣadvayagatāsu trayodaśīṣu kāmapūjā viṣṇuyātrotsava ukto madhyāhne | ca014-atra kapardīśvarasannidhau snānātpaiśācyahāniḥ | sāṃvatsarī tayātrātastīrthapratigrahajapāpahānistatra parā kuladharmavratādāvapīti mādhavīyajasmantabhāskaranirṇayasindhuṣu | atra nirṇayasindhusthatristhalīsetau piśācamocanatīrthe śrāddhamuktaṃ tatra tasya prāptapaiśācyasvapitrādyuddeśyakatve pārvaṇatvādaparāhnavyāpinī grāhyā | ajñātanāmapiśācādyuddeśyatve tvekoddiṣṭatvānmadhyāhnavyāpinī grāhyā | atra rāmaprakāśe upavāsaḥ śivapūjā svarṇavṛṣadānādyuktaṃ pūrvāhṇavyāpinyām | pū015-atra dattātreyotpattistatra'pradoṣavyāpinīti vṛddhā'iti nirṇayasindhujasmantabhāskarayoḥ| atra kusumbharaktavastracchannakāṃsyapātrasthasauvarṇacandrapratimādānaṃ saindhavalavaṇadānaṃ coktaṃ jasmantabhāskare viṣṇudharmottare | atra candrapūjā candrodaye sasuvarṇalavaṇadānañcoktaṃ rāmaprakāśe | iyaṃ mṛgaśironakṣatrayuktā'tipraśastā | pauṣakṛṣṇapakṣīyapratipadāditithinirṇayaḥ