Dharmapradipa 3.p6

Dharmapradīpa 3.p6

Language: Sanskrit

3.p6

iti satyavratokteḥ | 'pratyabdaṃ dvādaśe māsi kuryā' iti laghuhārītokteśca | 'mṛtiśuddhamāsāt' ityādikālanirṇayoktistu mṛtimāsetarādhikamāsasyāntarāpāte sagatikā | malamāsamṛtānāmābdikaṃ malamāsa eva | kṣayamāse mṛtānāṃ prathame tithyarddhe mṛtasya pūrvo māso'ntyārddhe mṛtasyottara iti | darśe vārṣikaṃ cettadā pūrvaṃ vārṣikaṃ kṛtvā tataḥ piṇḍapitṛyajño darśaśrāddhaṃ ceti nirṇayadīpe krama uktaḥ | smṛtisārepi | yuktaścaivam | śeṣamanupayogānnopanyastamatreti

Previous: 3.p5
Next: 3.p7
Up: 3

Linked texts (1)

Dharmapradīpa (Bhairavadatta Dvivedin) — Bhairavadatta Dvivedin, Sanskrit