Dharmapradipa 6.p1

6.p1

nyāyenā'rvayavastutyātrimuhūrtapraśaṃsāparāṇīti kamalākaraḥ | mādhavoṣyevam | jasmantabhāskarastuvaiśvānarādhikaraṇodaragatitvādastvavayavistāvakatvam "vratopavāsa niyamaḥ" ityādivākyānāṃ tvasti gatiḥ| tathā hi| ekādaśyādyupavāse harinaktādau ca teṣāṃ cāritārthyāt | atha tithiviśeṣe niṣedhaprayojako vedhaḥ skānde"nāgo dvādaśanāḍībhirdikapañcadaśabhistathā | bhūtoṣṭādaśanāḍībhirdūṣayatyuttarāṃ tithim ||" iti || nāgaḥ pañcamī| dik daśamī| bhūtaścaturdaśī| ayaṃ vedhaścopavāsātiriktaviṣaya iti kamalākaraḥ | kālanirṇayakārastu dvādaśaghaṭikādirūpoyaṃ ninyatithivedha upavāsādvau ninya ityāha-"ninyaḥsyādupavāsakarmaṇi" ti|| atra vayaṃ brūmaḥ- kamalākaroktirnaktaikabhaktādyupavāse vedhā bhāvaparā "naktādanyavidhautyajedamum" iti kālanirṇayokteḥ| mādhavo'pyevam| tadvacanāni vistarabhiyātrana likhitāni | janmāṣṭamīdivedhaṃ tattannirṇaye vakṣyāmaḥ| iti vedhaḥ