Dharmapradipa 8.p2
Dharmapradīpa 8.p2
- Language
- Sanskrit
8.p2
smṛtyantarepi“naktaṃ niśāyāṃ kurvīta gṛhastho vidhisaṃyutaḥ | yatiśca vidhavā caiva kuryāttatsadivākaram || sadivākaraṃ tu yatproktamantime ghaṭikādvaye | pradoṣostamayādūrdhvaṃ ghaṭikādvayamiṣyate | iti vatsokteḥ | “niśānaktaṃ bhuvi jñeyaṃ yāmārddhe prathame sadā||” iti | idaṃ bhikṣordināṃśe'ṣṭame iti kālanirṇayepi | rātrinaktabhojane vyāsaḥ“trimuhūrtaḥ pradoṣaḥsyādravāvastaṃ gate sati | naktaṃ tu tatra kurvīta iti śāstrasya niścayaḥ||” iti | tadevaṃ naktakālau vyavasthitau | tatra viśeṣamāha vatsaḥ“pradoṣavyāpinī grāhyā sadā naktavrate tithiḥ | ekādaśīṃ vinā sarvā śuklekṛṣṇe tathā smṛtā||” iti | ekādaśyāṃ tu yannaktaṃ tatrodayavyāpinī grāhyā | tasya harinaktatvāt | taduktaṃ skānde“pradoṣavyāpinī grāhyā sadā naktavrate tithiḥ | udayasthā sadā pūjyā harinaktavrate tithiḥ” iti | atrāpyekabhaktanyāyena ṣoḍhā viṣayabhedā utpekṣaṇīyāḥ | madhyāhnapradoṣayoreva bhinnatvāt | pūrvadyureva pradoṣavyāptau pūrvā paredyureva pradoṣavyāptau parā ubhayatra pradoṣavyāptau parā | "sadaiva tithyorubhayoḥ pradoṣavyāpinī tithiḥ | tatrottaratra naktaṃ syādubhayatrāpi sā yataḥ||"
Linked texts (5)
- Jyotirnibandha (ed. Raṅganātha Śāstrī Vaidya) — Sanskrit
- Kālatattvavivecana — Raghunātha Vājapeyin 1595, Sanskrit
- Kālanirṇaya (Kālamādhavīya) — Mādhava, Sanskrit
- Kāladīpa — Divyasiṃha Mahāpātra 1640, Sanskrit
- Dharmapradīpa (Bhairavadatta Dvivedin) — Bhairavadatta Dvivedin, Sanskrit