Danasagara 22.21-2.1

22.21-2.1

[ atha prayogaḥ | prathamadinakṛtyam | ]¹
ata yajamānaḥ samupajātatulāpuruṣamahādānecchaḥ prathamaṃ viṣṇuśivavināyakānāṃ pūjārthaṃ
gandhapuṣpādisāmagrīvastranaivedyāni brāhmaṇārcanārthaṃ gandhamālyasāmagrīvastrāṇi vṛddhiśrāddhasāmagrīṃ
²svastivācanārthaṃ gandhamālyasāmagrīṃ sapaṭīkavāsoyugatayaṃ suvarṇatolakatrayañca tīrthādiṣu pariśodhitāyāṃ bhūmau caturbhadramaṇḍapaghaṭanārthaṃ stambhavaṃśacālādikaṃ vedīkuṇḍaghaṭanārthaṃ³mṛttikāṃ cūrṇañca
kuṇḍapārśvasthāpanārthaṃ kumbhacatuṣṭayamṛtvijāmaṣṭāvāsanāni homārthamaṣṭau śobhanatāmrapātrāṇi
⁴sruvacatuṣṭayaṃ ⁵srukcatuṣṭayaṃ tilān ghṛtañca kuśaṃ yathopa⁶yogedhmasamidagnijvalanakāṣṭha[dhūpapuṣpādisāmagrīṃ] vedīsthadevapūjārthaṃ [dvāpañcāśataṃ vastrāṇi⁸] pūjocitasāmagrīñca brahmaśivaṃ·
viṣṇupratimāttrayaṃ maṇḍapacālopari pūrvādidikṣu dānārthaṃ pītaraktakṛṣṇātikṛṣṇaśvetakṛṣṇaharitapañcavarṇāśca taraṅgā daśa patākāḥ cālamadhyāropaṇārthaṃ kiṅkiṇīyuktamutkṛṣṭaṃ dhvajaṃ dvāracatuṣṭayālaṅkaraṇārthaṃ plakṣoḍumbarāśvatthavaṭānāṃ⁹ toraṇacatuṣṭayaṃ mṛnmayān śobhanānaṣṭau kumbhān kumbhamaṇḍanārthaṃ puṣpamālyasāmagrīcandanavastraratnāni taddhūpanārthaṃ gugguluṃ kumbhapūraṇārthaṃ tīrthajalañca ¹⁰sālaputrajīvacandanadevadārugāmbhārībilva¹¹kadambabakulānāmanyatamasya sāradāruṇā
nirmitaṃ saptahastocchritaṃ dṛḍham ṛju upari hastamekaṃ parityajya kṛtacchidraṃ stambhadvayaṃ taddārumayīmeva tulādhāraṇasamarthāṃ madhyasthitakaṭaqāmargalāṃ taddārumayīṃ caturhastāyatāṃ daśāṅgulaprastārāṃ