Danakhanda 1.p3.1

1.p3.1

yaiḥ sauvarṇamivākhilaṃ karuṇayā nirmātumabhyudyataiḥ kīrṇasvarṇaparā garāgaghaṭitaṃ dik‌cakra mālakṣyate || 5 || asti śastaguṇastomaḥ somavaṃśavibhūṣaṇaṃ | mahādeva iti khyāto rājarājeva bhūtale || 6 || saṃgrāmeṣvadhamarṇatā mupagatā vīrāḥ parāḥkoṭayaḥ sarvvasvapratipādanena vividhānādhaunnirasya kṣaṇāt | svasmādādadate niratyayasukhaṃ taccaitadīyaṃdyaśo dikkālāniva sākhyatāṃ gamayituṃdiṅ‌maṇḍalīṃ muñcati ||7|| maitrīmūrjvaya gurjjaravrajaparāṃ nepālapālakṣamāmājñāṃ pālaya mālavekhara bhayaṃ nīrandhramandhra smara | saptadvīpamahīpatīniti hitāmadhyāpayantī dhiyaṃ yatkīrttiḥ sukhadāyinī ripukule mānuṣyadā manyate ||8|| helāsāditalakṣamārgagaṇaṇaṃ śrutvaitadīyaṃguṇaṃ yeṣāṃ śreṇi ratustaramvaharahastuṣṭāva dānāṅgutaṃ | teṣāmeva mahāhaveṣu milatāṃ pratyarthināmarthināmapyasyātha bhujaṃ vrajanti vilayaṃ sainyāni dainyāni ca || 8 || asyoccairbhīmabhūmoruhagahanaguhāgarbha garjan‌mṛgendratrāsabhyāsaprasaṅgoñcalanakulakulavyākulavyālayamālāṃ | vāraṃ vāraṃ smṛtaitadbhujabhujagayugasphītibhītijvaraughāṃ mūrcchāmṛcchanti hanta kṣitidharadharaṇīṃ laṅghayanto dviṣantaḥ ||10|| ṣor̤aśakratavo yena cakrire cakravarttinā | apūrṇapañcayajñānāṃ nṛpāṇāṃ tena kā tulā || 11 || anena cintāmaṇi kāmadhenu kalpadrumānarthijanāya dattān | vilokya śaṅke kimamuṣya sarvvaṃ gīrvāṇanātho'pi karaprado'bhūt || 12 || tasyāsti nāma hemādriḥ sarvvaśrīkaraṇaprabhuḥ | nijaudāratayā yaśca sarvvaśrīkaraṇaprabhuḥ || 13 || tasya śrīkaraṇeśasya kāpi lekhanacāturī | yaśaḥpraśastibhistūṇiṃ yena digbhittayo bhṛtāḥ ||14||