Danakhanda 1.p3.3

1.p3.3

dānastuti statodānasvarūpasya virūpaṇam | aṅgaprasaṅgo dānānāṃ paribhāṣābhibhāṣaṇam || 25 || śrotuḥ śraddhāmivṛddhyarthamathadānaphalāvaliḥ | tulāpuruṣamukhyāni mahādānāni ṣoḍaśa || 26 || akharvvaparvvataśreṇi vindyāsanavidhistataḥ | parastādatidānānāṃ vidhirvidhutapātakaḥ || 27 || tatodaśamahādānavividhaivabhavavarṇanam | kṛṣṇājināni dānāni devatādānasaṃgrahaḥ || 28 || atha kālaviśeṣeṇa bahudhā dānavarṇanam | anantaphaladānānāmanantaramupakramaḥ || 26 || evaṃ prakaraṇānyatra trayodaśa mahāmatiḥ | bravīti prājyarājyādisādhanāni manīṣiṇām || 30 || atha dānapraśaṃsā tāvadabhidhīyate |--tatra vyāsaḥ| varṇānāmāgramāṇāñca cāturvaṇyeṃ yudhiṣṭhira | dānadharmma pravakṣāmi yathā devena bhāṣitam || nandipurāṇe | dānaṃ paraṃ praśaṃsanti dānameva parāyaṇaṃ | dānaṃ bandhurmanuṣyāṇāṃ dānaṃ koṣo hyanuttamaṃ || dānaṃ † tantraḥparaṃ dravyaṃ dānaṃ mātā pitā yathā | dānena na vinā kiñcitprārthitaṃ phala māpyate || api vālāgramātrasya tulā tasya na vidyate | na dānaśaulināmāpattināhīnaṃ samāśrayet || hāranūpurasaṃghoṣapūritottamamandiraḥ | lāvaṇyaguṇasampatti rdānādeva hi labhyate || saurapurāṇe | na dānādadhikaṃ kiñcidṛśyate bhuvanatraye | dānena prāpyate svargaḥ śrīrdānenaiva labhyate || dānena śatrūn jayati vyādhirdānena naśyati | dānena labhyate vidyā dānena yuvatījanaḥ | dharmmārthakāmamokṣāṇāṃ sādhanaṃ paramaṃ smṛtam || uśanā | dānādṛte nopacāro vidyate dhaśino'paraḥ | dīyamānaṃ hi tattasya bhūya evābhivarddhate || āha vedavyāsaḥ | yahadāsi viśiṣṭebhyo yaccāśnāsi dine dine |