Danakhanda 1.p8

1.p8

śātātapaḥ | mādadasveti yo brūyāt gavyagno brāhmaṇeṣu ca | tiryagyoniśataṃ gatvā cāṇḍāleṣvabhijāyate || yamaḥ | kanyāpradāne yajñe vā yasmin vā dharmasaṅkaṭe | vighnamācarate yastu tamāhurbrahmaghātakam || tasmādvibhūtimanvicchannadāne vighnamācaret | dadyādaharahaḥ pātre lokadvayajigīṣayā || mahābhārate | arhatāmanurūpāṇāṃ nādeyaṃ hyasti kiñcana | udyaiḥsvasamamapyannaṃ prāpaṇīyaṃ satāṃ viduḥ || anunīya yathokāmaṃ satyasandho mahāvrataḥ | svaiḥ prāṇai brāhmaṇāḥ prāṇān paritrāya divaṃ gataḥ || rantidevaśca sāṅkṛtyo vaśiṣṭhāya mahātmane | apaḥ pradāya śītāśca nākapṛṣṭhamitogataḥ || ātreyacandradamayorarhatorvidhibandhanam | dattvā lokān yayau dhīmānanantān sa mahīpatiḥ || śivirauśīnarāṅgāni putrañca priyamaurasam | brāhmaṇārthamupāhṛtya nākapṛṣṭhamupāgataḥ || pratarddanaḥ kāśapatiḥ pradāya nayane svake | brāhmaṇāyotulāṃ kīrttimiha cāmutra cāśrute || divyaṃ mṭaṣṭaśalākantu sauvarṇaṃ paramarddhi tat | chatraṃ devāvṛdho dattvā sarāṣṭro'bhyapataddivam