Danakhanda 183.p27
Dānakhaṇḍa 183.p27
- Language
- Sanskrit
183.p27
ekādaśyāṃ nirāharo dvādaśyāṃ puruṣottamaṃ | arcayedbrāhmaṇamukhe śarkarāghṛtapāyasaiḥ || eṣā tithirvaiṣṇavī syāt dvādaśī śukla pakṣake | tasyāmārādhayeddevaṃ prayatnena janārddanaṃ || yat kiñcideva mauśānamuddiśya brāhmaṇe śucau | dīyate viṣṇumevāpi tadanantaphalapradaṃ || tasmādasyāntithau deyaṃ bhṛṣṭamannaṃ śubhārthibhiḥ | viṣṇuḥ | pauṣyāṃ ca samatītāyāṃ kṛṣṇapañcadaśyāṃ sopavāsastilaiḥ snāta stilodakaṃ dattvā tilairvāsudevamabhyarcyatānyeva hutvā bhuktā ca sarvvapāpebhyaḥ pūto bhavati māghyāṃ samatītāyāṃ kṛṣṇadvādaśīṃ sampravaṇāṃ prāpya vāsudevāgrato mahāvarttidvayena dīpadānaṃ dadyāt dakṣiṇapārśve mahārajataraktena samagreṇa vāsasā tailatulāmaṣṭādhikāṃ dattvā vāmapārśve khetena samagreṇa vāsasā ghṛtatulāmaṣṭādhikāṃ dadyāt etat kṛtvā yasminnāṣṭre 'bhijāyate yasmindeśe yasmin kule tatro jjvalo bhavati
Linked texts (5)
- Vaiṣṇava Dharmaśāstra — Viṣṇu, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Dānakalpataru — Lakṣmīdhara, Sanskrit