Danakhanda 183.p28

183.p28

yamaḥ | māghāndhakāradvādaśyāntilairhutvā hutāśanaṃ | tilāndattvā ca viprebhyaḥ sarvvapāpaiḥ pramucyate || viṣṇudharmottarāt | śrāvaṇe śuklapakṣe tu dvādaśyāṃ prītaye nṛpa | gopradānena govindo yatpūrvvaṃ kathitaṃ tava | phalaṃ tatsarvvamāpnoti nātra kāryyā vicāraṇā || bhaviṣyottarāt | snāpayedbrāhmaṇān prātastrayodaśyāndvayodaśa | tānācchādyanavairvastrai rgandhapuṣpairathāccayet || bhojayedapi mṛṣṭānnaṃ dakṣiṇāṃ vinivedayet | yathāśaktyā hemakhaṇḍān dharmmātmā prīyatāmiti || dharmmarājāya kālāya citraguptāya mṛtyave | cayāya cayarūpāya antakāya yamāyaca || pretanāthāya raudrāya tathā vaivakhatāya ca | mahiṣasthāya citrāya nāmānītyaṃ trayodaśa | uccāryya śraddhayāyuktaḥ praṇipatya visarjayet || yaḥ karoti mahārāja pūjāmetāṃ manoramāṃ | yamāya sa sukhaṃ martyesthitvā vyādhivivarjitaḥ || yamamārgagataṃ duḥkhaṃ paścānnāpnotyasau pumān | na paśyati pretapuraṃ pitṛlokañca gacchati || puṇyacayādihābhyetya sa sukhī norujobhavet | tathā māheyaṃ saśubhaṃ kubhaṃñcatuhraṃ syāt payobhṛtaṃ || karṣekena ca saṃyuktaṃ kuryyātsahasrasaṃyutaṃ | ghaṇṭābharaṇaśobhāḍhyaṃ vṛṣabheṇa samanvitaṃ | yodadyācchivabhaktāya brāhmaṇāya kuṭumbine