Danakhanda 185.p91
Dānakhaṇḍa 185.p91
- Language
- Sanskrit
185.p91
śayyādānaṃ pravakṣyāmi tava pāṇḍukuloddaha | yāndattvā śivabhāgī syādiha loke paratra ca || śayyādānaṃ praśaṃsanti sarvvadaiva dvijottamāḥ | anityaṃ jīvitaṃ yasmāttasmāt konyaḥ pradāsyati || tāvat sa bandhuḥ sa pitā yāvajjīvati bhārata | mṛtomṛta iti jñātvā kṣaṇāt sneho nivarttate || tasmāt svayaṃ pradātavyaṃ śayyā-bhojya-jalādikaṃ | ātmaiva cātmano bandhuriti saṃcintya cetasi || ātmaiva yadi nātmānaṃ dānabhogairna pūjayet | ko'nyo hitatarastasmādyaḥ paścāt pūjayiṣyati || tasmācchayyāṃ samāsādya sāladārumayīṃ dṛḍhāṃ | dantapatracitāṃ ramyāṃ hemapaṭṭairalaṃkṛtāṃ || haṃsatūlapraticchannāṃ śubhagaṇr̤opadhānakāṃ | pracchādanapaṭoyuktāṃ dhūpa-gandhādivāsitāṃ || tasyāṃ saṃsthāpayeddhaimaṃ hariṃ lakṣmyā samanvitaṃ | ucchīrṣake ghṛtabhṛtaṃ kalaśaṃ parikalpayet
Linked texts (4)
- Bhagavantabhāskara — Nīlakaṇṭha Dīkṣita 1625, Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Śūdrakamalākara — Kamalākarabhaṭṭa, Sanskrit