Danakhanda 185.p92

185.p92

vijñeyaḥ pāṇḍavaśreṣṭha sanidrākalaśobudhaiḥ | tāmbūla-kuṅkumā-kṣoda-karpūrā-gurucandanaṃ || dīpiko-pānahacchatraṃ cāmarā-sana-bhājanaṃ | pārśveṣu sthāpayedbhaktyā saptadhānyāni caiva hi || śayanasthasya bhavati yadanyadupakārakaṃ | śṛṅgārakarakādyantu pañcavarṇavitānakaṃ || śayyāmevaṃvidhāṃ kṛtvā brāhmaṇāyopapādayet | sapatnīkāya saṃpūjya puṣpaiści vidhividhānapūrvakaṃ || yathā na kṛṣṇaśayanaṃ śūnyaṃ sāgarajātayā | śayyā mamāpyaśūnyāstu tathā janmani janmani || yasmādaśūnyaṃ śayanaṃ keśavasya śivasya ca | śayyā mamāpyaśūnyāstu tathā janmani janmani || dattvaivaṃ talpamamalaṃ praṇipatya visarjayet | evaṃ śayyāpradāne tu vidhireṣa prakīrttitaḥ || svarge purandaragṛhe sūryyaputrālaye tathā | sukhaṃ vasatyasau jantuḥ śayyādānaprabhāvataḥ || sūryyaputrālaye caiva tathā vaivasvate pure | pīḍayanti na taṃ yāmyāḥ puruṣā bhīṣaṇānanāḥ || na dharmeṇa na śītena bādhyate sa naraḥ kvacit | api pāpasamāyuktaḥ svargalokaṃ sa gacchati || vimānavaramārūḍhaḥ sevyamāno'psarogaṇaiḥ | ābhūtasaṃplavaṃyāvattiṣṭhet pātakavarjitaḥ || śayyāpradānamamalaṃ tava pāṇḍuputra saṃkīrttitaṃ sakalasaukhyavidhānabhūtaṃ | yo vai dadāti vidhivat svayameva nāke kalpaṃ vikalparahitaḥ sa vibhāti martyaḥ