Danakhanda 6.p2

6.p2

śātakumbhamayaṃ kuṇḍaṃ ratnāvitayodgatam || dvyaṅgulaṃ varttulaṃ bhadraṃ nānāratnairalaṃkkṛtam | śucideśe same deśe sovarṇaṃ paṅkajaṃ likhet || caturasraṃ caturhastaṃ caturdvārañca maṇḍalam | madhye padmaṃ samālikhya ratnakīrṇantu kārayet || padme saṃsthāpitaṃ kuṇḍa hemagarbhantu saṃjñitam | prādeśadvayavistīrṇaṃ catuḥprādeśamāyatam || cāru kṛtvā tu sauvarṇaṃ nābhiṃ kanakasūvitam | kṛtvā hastapramāṇantu kuṇḍasyābhyantare yadi || tat kuṇḍaṃ pūrayet kṣīrairgandha-puṣpaiḥ samarccayet || kuṇḍasyoparipākhrśve† ca brahmā-viṣṇu-maheśvarān | sūryyaṃ grahāṃśca sauvarṇān lokapālāṃśca kārayet || śuciḥ snātvā naraḥ samyak pūjayet sarvvadevatāḥ | sthaṇḍilaṃ tatra kurvvīta hīmayeyurdvijātayaḥ || ṛtusaṃveśanaṃ kṛtvā tat kuṇḍaṃ pariveṣṭayet | vāsobhiḥ paritaḥ sarvvaṃ yāvatkarma samāpyate || garbhādhānaṃ puṃsavanaṃ sīmantonnayanādi ca | kṛtvā paścādviniṣkṛṣya tatkuṇḍāntarasaṃvṛtam || nābhiṃ nābhipradeśe ca kaṇṭhe kanakasūcikām | gṛhītvā karṣayedviprān dātā svargānmahīṃ vrajet || śaṅkhatūryyaninādoñcairuktvākarmudīrayet