Danakhanda 6.p3

6.p3

mamo hiraṇyagarbhāya mantrametamudāharet || yāvat ṣoḍaśasaṃskārān jātakamādi kārayet | yathoktaṃ vaidikaṃ karma mantravit kārayeddijān || tatcorapāyasaṃ siddhaṃ bhojayeddvijastadā | tadevātmani yuñjīyāt bhuktaśeṣaṃ dvijottamaiḥ || hiraṇyagarbhacāruñca nābhiṃ sobarṣikānvitam | tat sarvvaṃ brāhmaṇe dadyādiṣṭapūrttāni ṛtvije | naro vā yadi vā nārī evaṃ brahmābjasaṃbhavam || yaḥkaroti mahāpuṇyaṃ tasyāpi śṛṇu yatphalam | mṛtto brahmatvamāpnoti haṃsayāmaṃ raviprabham | brahmākanyābhiḥ saṃsevyo brahmalokaṃ sa gacchati || brahma vat krīḍate tatra brahmasaṃvatsaratrayam | brahmalokāvatīrṇaśca indraloke mahīyate || indraloke ramitvā tu varṣakoṭiśatatrayam | brahmaṇastu pure ramye krīr̤itvātha tadaupamam || vidyādhareṇa gāndharvvī varṣakoṭiṃ pṛthak pṛthak | iha loke tu saṃprāpte rājarājottamaḥ prabhuḥ || śatayojanavistīrṇe triguṇe vātha maṇḍale | rūpa-saubhāgyavān vīro jāyate hi na saṃśayaḥ || yāvadvarṣaśataṃ rājyaṃ susampannamakaṇṭakam | tejasvī sukhabhāgnityaṃ dharmavān vijitendriyaḥ