Danakhanda 80.p6

80.p6

taranti tasyā dānena anyathā tu patanti te | dhārmikā dānaśīlāśca tāṃ taranti narottama || sānukūlā bhavedyena nadī vaitaraṇī nṛṇāṃ | tat śṛṇuṣva naravyāghra kathyamānaṃ yudhiṣṭhira || ayane viṣuve puṇye vyatīpāte dinakṣaye | anyeṣu puṇyakāleṣu dīyate dānamādarāt || pāṭalāmathavā kṛṣṇāṃ kuryyādvaitaraṇīṃ śubhāṃ | suvarṇaśṛṅgīṃ raupyakhurāṃ kāṃsyapātrasudohanāṃ || kṛṣṇavastrayugacchannāṃ saptadhānyasamanvitāṃ | kārpāsadroṇaśikhare āsīnāṃ tāmrabhājane || yamaṃ haimaṃ prakurvvīta lohadaṇḍasamanvitaṃ | mahāmahiṣamārūḍhamūhapāśaṅkare pare || ikṣudaṇḍamayaṃ baddhā uḍapaṃ paṭṭabandhanaiḥ | uḍapopari tāṃ dhenuṃ sūryyadehasamudbhavāṃ || kṛtvā prakāśayedvidvāṃś chatropānahsaṃyutāṃ