Danakhanda 80.p7
Dānakhaṇḍa 80.p7
- Language
- Sanskrit
80.p7
imamuccārayet mantraṃ saṃgṛhyodakamaṇḍalaṃ | yamadvāre mahāghore dṛṣṭvā vaitaraṇīṃ nadīṃ || tartukāmodadāmyenāṃ tubhyaṃ vaitaraṇīṃ ca gāṃ | adhivāsanamantraḥ | bho viṣṇurūpa dvijaśreṣṭha bhūdevapaṃktipāvana | - sadakṣiṇā mayā tubhyaṃ dattā vaitaraṇī nadī || dānamantraḥ| dharmarājaṃ ca vipraṃ ca dhenuṃ vaitaraṇīṃ tathā| sarvvaṃ pradakṣiṇīkṛtya brāhmaṇāya nivedayet || pucchaṃ saṃgṛhya taddhenoragre kṛtvā ca brāhmaṇaṃ | dhenuke tvaṃ praticchasva jamadvāre mahābhaye | uttitīrṣurahaṃ devi vaitaraṇyai namo namaḥ || anuvrajanamantraḥ | anuvrajecca gacchantaṃ sarvvaṃ tasya gṛhe nayet | evaṃ kṛte mahīpāla sā rasrit sukhadā bhavet || tarate ca tayā dhenvā sā sarijjalavāhinī | sarvāṅgādānavāpnoti ye divyā ye ca mānuṣāḥ | rogī tu roganirmuktaḥ tathaivoparamet srṛtiḥ || itīdamuktaṃ tava dharmasūnoḥ puṇyaṃ mayā vaitaraṇīpradānaṃ | śṛṇoti bhaktyā paṭhatī ha samyak sa yāti viṣṇoḥ padamaprameyaṃ
Linked texts (4)
- Revākhaṇḍa (Vāyupurāṇa) — Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Śūdrakamalākara — Kamalākarabhaṭṭa, Sanskrit