Danakhanda 89.p1

89.p1

bhīṣma uvāca| atidāneṣu sarvveṣu pṛthivīdānamucyate| acalāhyakṣayā bhūmi rdogdhru kāmānanuttamān || dogdhi vāsāṃsi ratnāni paśūn vrīhiyavāṃstathā| bhūmidaḥ sarvvabhūteṣu śāśvatīredhate samāḥ || yāvadbhūmerāyuṣiriti tāvadbhūmida edhate| na bhūmidānādastīha paraṃ kiñcit yudhiṣṭhira || bhūmimeva daduḥ pūrvvaṃ ye bhūmiṃ bhuñjate'dhunā| svakarmaṇopajīvanti narā iha paratra ca || ya etāṃ dakṣiṇāṃ dadyāt pṛthivīṃ pṛthivīpatiḥ| punaśca jananaṃ prāpya sa bhavet pṛthivīpatiḥ || saṃgrāme vā tanuṃjahyāt dadyādvā pṛthivīmimāṃ| ityetāṃ kṣatrabandhūnāṃ vadanti paramāśiṣaṃ || punāti dattā pṛthivī dātāramiti sattama| api pāpasamācāraṃ brahmaghnamapi vānṛtaṃ || saiva pāpāt tārayati saiva pāpāt pramuñcati| api pāpakṛtāṃ rājñāṃ pratigṛhṇanti sādhavaḥ || pṛthivīṃ nānyadicchanti pāvanaṃ hyetaduttamaṃ| nāmāsyāḥ priyadatteti guhyaṃ devyāḥ sanātanaṃ || dānaṃ vā pyathavādānaṃ nāmāsyāḥ paramaṃ śivaṃ| yaḥ sādhorbhūmimādatte na bhūmiṃ vindate hi saḥ