Danakhanda 89.p2

89.p2

bhūmiṃ dattvā tu sādhubhyo vindate bhūmimeva hi | yasya viprānuśāsanti sādhorbhūmiṃ sadaiva hi || na tasya śatravo rājñaḥ praśāsanti vasundharāṃ | yatkiñcit kurute pāpaṃ puruṣo vṛttikarṣitaḥ || api gocarmamātreṇa bhūmidānena pūyate | ye'pi saṅkīrṇakarmāṇo rājāno raudrakarmiṇaḥ || tebhyaḥ pavitramākhyeyaṃ bhūmidānamanuttamaṃ | alpāntaramidaṃ śaśvat purāṇā menire janāḥ || yojayetāśvamedhena dadyāddā sādhave mahīṃ | suvarṇaṃ rajataṃ vastraṃ maṇimuktāvasani ca || sarvvametat mahīpāla dadāti vasudhāndadat | sāgarān saritaḥ śailān kānanāni ca sarvvaśaḥ || sarvvametannaraśreṣṭha dadāti vasudhāṃ dadat | oṣadhīḥcīrasampannā nagān puṣpaphalānvitān || kānanānyupaśailāṃśca dadāti vasudhāṃ dadat | agniṣṭomaprabhṛtibhiriṣṭāca svāptadakṣiṇaiḥ || na tatphalamavāpnoti bhūmidānādyadaśnute | tapo yajñaḥ śrutaṃ śīla-malobhaḥ satyavāditā || gurudaivatapūjā ca nātivarttanti bhūmidaṃ | bhartturniḥśreyase yuktāstyaktātmāno raṇe hatāḥ || brahmalokaṃ gatāḥ santu nātikrāmanti bhūmidaṃ | yathā janitrī kṣīreṇa svaputraṃ bharate sadā || anugṛhṇāti dātāraṃ tathā sarvvarasairmahī | mṭatyorvai kiṃkaro daṇḍastāpo vaṅgeḥ sudāruṇaḥ || ghorāśca vāruṇāḥ pāśā nopasarpanti bhūmidam | pitṛṃśca pitṭalokasthāndevaloke'tha devatāḥ || santarpayati śāntātmā yo dadāti vasundharāṃ | kliśyamānāya cātyarthaṃ vṛttiglānāya sīdate || bhūmiṃ vṛttikarīṃ dattvā satrī bhavati mānavaḥ | yathā dhāvati gaurvatsaṃ kṣaranti satataṃ payaḥ || evameva mahābhāga bhūmirbhartarati bhūmidam | phālakṛṣṭāṃ mahīndatvā sabījāṃ saphalāmapi || udyānaṃ śaraṇaṃ vāpi tathā bhavati kāmadaṃ | yathā candramasovṛddhi rahanyahani jāyate || tathā bhūmikrataṃ dānaṃ sasye sasye vivarddhate | atra gāthāṃ bhūmikratāṃ kīrttayanti purāvidaḥ || yāṃ śrutvā jāmadagnena dattā bhūḥ kaśyapāya vai | nṛpā dadati māmeva māṃ dattvā māmavāpsyatha || asmin loke pare caiva tataścājanane punaḥ | ya imāṃ vyāhṛtau deva brāhmaṇīṃ brahmasaṃsthitāṃ || śrāddhasya kriyamāṇasya brahmabhūyaṃ sa gacchati | kṛtyayā vābhiśastānāṃ duriṣṭaśamanaṃ mahat || prāyaścittaṃ mahīndattvā punātyubhayato daśa | yo brāhmaṇa imaṃ veda vedavādantathaiva ca || prakṛtiḥ sarvvabhūtānāṃ bhūmirvai śāsvatī matā | abhiṣiñcaiva nṛpatiṃ śrāvayedimamāgamam