Danakhanda 89.p3

89.p3

yathā śrutvā mahīndadyānnādadyātsādhutaśca tāṃ| sa kulīnaḥ sa puruṣaḥ sa bandhuḥ sa ca puṇyakṛt || sa ca dātā sa vikrānto yo dadāti vasundharāṃ | ādityā iva dīpyante tejasā bhuvi mānavāḥ || dadanti vasudhāṃ sphītāṃ ye vedaviduṣe dvije | yathā bījāni rohanti prakīrṇāni mahītale || yathākāmāḥ prarohanti bhūmidānasamārjitāḥ | ādityo varuṇo viṣṇuḥ brahmā somo hutāśanaḥ || śūlapāṇiśca bhagavān abhinandanti bhūmidaṃ | sauvarṇā yatra prāsādā vāsodhārāśca kāmadāḥ || gandharvāpsaraso yatra tatra gacchanti bhūmidāḥ atrāpyudāharantīmamitihāsaṃ purātanam | vṛhaspateśca saṃvādamindrasya ca yudhiṣṭhira || dṛṣṭvā kratuśatenātha mahatā dakṣiṇāvatā | maghavān vāgmināṃ śreṣṭhaṃ papracchedaṃ vṛhaspatim