Abdadidhiti 1.p41

1.p41

akṣayyatṛtīyā vaiśākhaśuklatṛtīyāyāṃ nirṇayāmṛte bhaviṣye viṣṇupūjoktā-vaiśākhasya tṛtīyāyāṃ śrīsametaṃ jagadgurum | nārācrossyaṇaṃ pūjayet puṣpadhūpavilepanaiḥ | iti | tatraiva viśeṣaḥ-vaiśākhe śuklapakṣe ca tṛtīyāyāṃ tathaiva ca | gaṅgātoyairnaraḥ snātvā mucyate sarvakilbiṣaiḥ | tasyāṃ kāryo yavairhomo yavairviṣṇuṃ samarcayet | yavāndadyādvijātibhyaḥ prayataṃḥ prāśayedyavān | iti | viṣṇudharmottare-yaḥ paśyati tṛtīyāyāṃ kṛṣṇaṃ candanabhūṣitam | vaiśākhasya site pakṣe sa yātyacyutamandiram | iti | tathā madanaratne bhaviṣye-kṛṣṇa uvāca | bahunā'tra kimuktena kiṃ bahvakṣaramālayā | vaiśākhasya sitāmekāṃ tṛtīyāmakṣayāṃ śṛṇu 1 yasyāṃ snānaṃ japo homaḥ svādhyāyaḥ pitṛtarpaṇam | dānaṃ ca kriyate kiṃcittatsarvaṃ syādihākṣayam 2 ādiḥ kṛtayugasyeyaṃ yugādistena kathyate | sarvapāpapraśamanī sarvasaukhyapradāyinī 3 purā mahodaye pārtha vaṇigāsītsa nirdhanaḥ | priyaṃvadaḥ satyavṛttirdevabrāhmaṇapūjakaḥ 4 puṇyākhyānaikacitto'bhūtkuṭumbavyākulo'pi san | tena śrutā vācyamānā tṛtīyā rohiṇīyutā 5 yadā syādbudhasaṃyuktā tadā sā sumahāphalā | tasyāṃ yaddīyate kiṃcidakṣayaṃ syāttadeva hi 6 iti śrutvā sa gaṅgāyāṃ saṃtarpya pitṛdevatāḥ | gṛhamāgatya