Abdadidhiti 2.p59

2.p59

atha kathā | hemādrau bhaviṣye śrīkṛṣṇa uvāca | munīndro lomaśo nāma mathurāyāṃ gataḥ purā | so'rcito vasudevena devakyā ca yudhiṣṭhira 1 upaviṣṭaḥ kathāḥ puṇyā kathayitvā manoramāḥ | tataḥ kathayituṃ bhūyaḥ kathāmetāṃ pracakrame 2 lomaśa uvāca | kaṃsena te hatāḥ putri putrā jātāḥ punaḥ punaḥ | mṛtavatsā devaki tvaṃ putraduḥkhena duḥkhitā 3 yathā candramukhī dīnā babhūva nahuṣapriyā | paścāccīrṇavratā saiva babhūvā'kṣatavatsakā | tvamapi devaki tathā bhaviṣyasi na saṃśayaḥ 4 devakyuvāca | kā sā candramukhī brahmanbabhūva nahuṣapriyā | kiṃ ca cīrṇaṃ vrataṃ puṇyaṃ tayā santānavardhanam | sapatnīdarpadalanaṃ saubhāgyārogyadaṃ vibho 5 lomaśa uvāca | ayodhyāyāṃ purā rājā nahuṣo nāma viśrutaḥ | tasyāsīdrūpasaṃpannā devī candramukhī priyā 6 tathā tatraiva nagare viṣṇugupto'bhavadvijaḥ | āsīdguṇavatī tasya ṣaṣṭhī bhadramukhī satī 7 tayorāsīddṛḍhā prītiḥ spṛhaṇīyā parasparam | atha dve api te sakhyau snānārthaṃ sarayūtaṭe 8 prāpte prāptāśca tatraiva bahvyo vai nagarāṅganāḥ | tāḥ snātvā maṇḍalaṃ cakrustanmadhye'vyakta rūpiṇam 9 lekhayitvā śivaṃ śāntamumayā saha śaṃkaram | gandhapuṣpākṣatairbhaktyā pūjayitvā yathāvidhi 10 praṇamya gantukāmāstāḥ pṛcchataḥ kimidaṃ tviti | [āryāḥ kimetatkriyate kiṃvāma vradamīdṛśam |] tā ūcuḥ śaṃkaro'smābhiḥ pārvatyā saha pūjitaḥ 11 badhvā sūtramayaṃ tantuṃ śivasyātmā niveditaḥ | dhāraṇīyamidaṃ tāvadyāvatprāṇavidhāraṇam 12 amuktābharaṇaṃ nāma vrataṃ santānavardhanam | asmābhiḥ kriyate sakhyau sutasaubhāgyadāyakam 13 tāsāṃ tadvacanaṃ śrutvā sakhyau te cāpi devaki | kṛtvā ca samayaṃ tatra badhvā dorbhyāṃ sudorakam 14 tatastāḥ svagṛhaṃ jagmuḥ svasakhībhiḥ samāvṛtāḥ | kālena mahatā tasyāstadbhutaṃ vismṛtaṃ śubham 15 candramukhyāḥ pramattāyā vismṛtaḥ sa ca dorakaḥ | bhadramukhyāstathā bhadre vismṛtaṃ sarvameva tat 16 mṛte kaiścidahorātraiḥ sā babhūva plavaṅginī | bhadrāsyā kukuṭī jātā vratabhaṅgācchubhānane 17 kālena pañcatāṃ prāpte sakhībhāvātsahaiva te | adevaimātṛke deśe jāte gokulasaṃkule 18 brāhmaṇī brāhmaṇī jātā kṣatriyā kṣatriyā ca sā | rājñī jāyā babhūvātha pṛthvīnāthasya vallabhā 19 īśvarī nāma vikhyātā yāsīccandramukhī purā | nāmnā bhadramukhī yāsīdbhūṣaṇā nāma sā'bhavat 20 agnimīḍhasya dattā sā pitrā tasya purodhasaḥ | atīva vallabhā cāsīdbhūṣaṇā bhūṣaṇapriyā 21 bhūṣitā bhūṣaṇavarai rūpeṇālaṃkṛtā svayam | tasyā babhūvuraṇau ca putrāḥ sarvaguṇānvitāḥ 22 mātṛvarūpasaṃpannāḥ pitṛvaddharmaśīlinaḥ | sakhyau te tena tadvacca jāte jātismare kila 23 punarntarantarā prītistayorāsīdyathā purā | kāle bahutithe jāte tyaktāśā tyaktayauvanā 24 madhye vayasi rājñī sā putramekamajījanat | īśvarī rogiṇaṃ mūkaṃ prajāhīnaṃ ca visvaram 25 tādṛśo'pi mahābhāge mṛto'sau navavārṣikaḥ | tatastāṃ bhūṣaṇā draṣṭumīśvarī putraduḥkhitām 26 sakhīprāgādatisnehātputraiḥ svaiḥ parivāritā | amuktābharaṇā bhadrā svarūpeṇaiva bhūṣitā 27 tāṃ dṛṣṭvā tādṛśīṃ bhavyāṃ prajajvāleśvarī ruṣā | tato gṛhaṃ preṣayitvā brāhmaṇīṃ tīvramatsarā 28 cintayāmāsa sā śīghraṃ tasyāḥ putravadhaṃ prati | niścitya cetasā krūrā ghātayāmāsa tatsutān 29 hatā hetāśca te putrāḥ punarjīvantyanāmayāḥ | tadadbhutataraṃ dṛṣṭvā sakhīmāhūya bhūṣaṇā 30 upaveśyāsane śreṣṭhe bahumānapuraḥsaram | apṛcchacchinnayāviṣṭā rājñī sā mṛtavatsakā 31 brūhi tathyaṃ mahābhāge kiṃ tvayā sukṛtaṃ kṛtam | dānaṃ vrataṃ tapo vāpi śuśrūṣaṇamupoṣaṇam 32 yena te nihatāḥ putrāḥ punarjīvantya-