Abdadidhiti 2.p60

2.p60

nāmayāḥ | tathāhi bahuputrā ca jīvadvatsā śumānane 33 amuktābharaṇā nityaṃ bharttuścetasyavasthitā | atīva śobhase bhadre vidyudvarmātyaye yathā 34 bhūṣaṇovāca | śṛṇu devi pravakṣyāmi janmāntaraviceṣṭitam | kiṃ taddhi vismṛtaṃ sarvamayodhyāyāṃ kṛtaṃ ca yat 35 āvābhyāṃ vratavaikalyaṃ pramattābhyāṃ varānane | yena tvaṃ plavagī jātā jātāhaṃ kukuṭī tathā 36 tathāpi vratavaikalyaṃ tvayā cāpalyataḥ kṛtam | mayā tu sarvabhāvena cetasyādhyāya śaṃkaram 37 tiryagyonyanutāpena manovṛttyā svanuṣṭhitam | etaddhi kāraṇaṃ bhadre nānyatkiñcitkṛtaṃ mayā 38 lomaśa uvāca | ityākarṇya ca saṃsmṛtya pūrvajanmaviceṣṭitam | īśvarī tu tayā sārdhaṃ punaḥ samyak cakāraha 39 vratasyāsya prabhāveṇa putrapautrādisaṃbhavam | bhuktvā ca saukhyamatulaṃ mṛtā śivapuraṃ gatā 40 tasmāttvamapi kalyāṇi vratametatsamācara | prārabdhe'sminvrate divye jīvatputrā bhaviṣyasi 41 devakyuvāca | brahmannākhyāhi me samyagvratametatsukhapradam | santānavṛddhikaraṇāṃ śivaloke sthitipradam 42 lomaśa uvāca | bhadre bhādrapade māsi saptamyāṃ salilāśaye | snātvā śivaṃ maṇḍalake lekhayitvā tathāmbikām 43 bhaktyā saṃpūjya samayaṃ kuryādbadhvākare guṇam | yāvajjīvaṃ mayātmā tu śivasya viniveditaḥ 44 ityevaṃ samayaṃ kṛtvā tataḥprabhṛti dorakam | sauvarṇaṃ rājataṃ vāpi sautraṃ vā dhārayetkare 45 maṇḍakānveṣṭikāṃścadyātsvapakṣe'thavā dvije | svayaṃ tānatha bhuñjīta vratabhaṅgabhayācchubhe 46 [pratimāsaṃ tu saptamyāṃ śuklapakṣe viśeṣataḥ | kuryāddevaṃ vrataṃ bhadre varṣānte'pi tu devaki 47 ] pārite mudrikā vahnīṃ haimī raupyāḥ svaśaktitaḥ | tānnapātropari sthāpya brāhmaṇebhyo nivedayet 47 ācāryāya viśeṣeṇa dātavyaṃ cāṅgulīyakam | puṣpakuṅkumasindūratāmbūlāñjanasūtrakaiḥ 48 [suvāsinīḥ pūjayitvā vratasaṃpūrṇahetave |] evaṃ tatpārayitvā tu vrataṃ santativardhanam | sarvapāpavinirmuktā bhuktvā saukhyaṃ manoramam | santānaṃ vardhayitvā ca śivaloke mahīyate 49 etatte sarvamākhyātamākhyānasahitaṃ vratam | kuru devaki yatnena jīvatputrā bhaviṣyasi 50 kṛṣṇa uvāca | ityuktvā sa muniśreṣṭhastatraivānta-