Abdadidhiti 3.p38

3.p38

athaivaṃ nirṇīte pratipaddine bhagavatīpūjāṃ kartumupakalpayate | nūtanavastrarambhāstambhādimaṇḍitaveśmani samacaturasrā caturhastāvedikā kāryā | tadupari sarvatobhadrādimaṇḍalam | mṛnmayīpratimā cettatraiva maṇḍale dārvādimayāsane sthāpyā | sauvarṇyādipratimā cettasyāḥ pūjāmaṇḍalakumbhastheti | devīpurāṇe kumbhoparyeva pūjāvidhānānna tatpūjārthaṃ pṛthagāsanasaṃpādanam | pratimāvidhiśca devīpurāṇe—hemarājatamṛddhātucailacitrārpitāpi vā | khaṅge śūlekharcitā devī sarvakāmaphalapradā | tathā—mṛnmayīṃ pratimāṃ kṛtvā bilve vā yastu pūjayet | ātmavittānusāreṇa sa labhenmauktikaṃ phalam | iti | pratimālakṣaṇaṃ ca pūjārambhe vakṣyamāṇaṃ jaṭājūṭetyādidhyānānusāri bodhyam | paścāt śuddhodakakalaśānpādayet | pañcapallavapañcaratnasaptamṛttikāsarvauṣadhīdūrvāhemayaśo dehi bhagaṃ bhagavati dehi me | putrāndehi dhanaṃ dehi sarvānkāmāṃścadehi me | iti