Abdadidhiti 3.p39

3.p39

yadyapi—balipradāne pūjāyāmagnikārye mahotsava | sarvaṃ mamaitaccaritamuccāryaṃ śrāvyameva ca | iti mārkaṇḍeyapurāṇasthadevīvacasi sāmānyata uccāraśravaṇe balipradānādyaṅgatvena vikalpena vihite tathāpyuktaśāradapūjākāle śravaṇameva kāryam | śaratkāle mahāpūjā kriyate yā ca vārṣikī | tasyāṃ mamaitanmāhātmyaṃ śrutvā bhaktisamanvitaḥ | sarvabādhāvinirmukto dhanadhānyasamanvitaḥ | manuṣyo matprasādena bhaviṣyati na saṃśayaḥ | iti tatraiva viśeṣavacanāt, etanniyamabalenaiva pūrvavākyasthacakārasya vāśabdārthe vyākhyātumucitatvāt | nacaitau sāmānyaviśeṣavidhau pūjottarajapādiviṣayāviti śakyam | balipradāna iti saptamībhiḥ tasyāmiti saptamyā ca stotrapāṭhādeḥ pūjāvidheyatvapratītyā tatkālīnatvalābhāt vapayā prātaḥsavane carantītivat | śravaṇaṃ ca brāhmaṇenaiva kāraṇīyam |-brāhmaṇaṃ vācakaṃ vindyānnānyavarṇajamādarāt | iti bhaviṣyokteḥ | so'pi—nārāyaṇāya namaḥ| narāya narottamāya namaḥ | devyai sarasvatyai namaḥ | vyāsāya namaḥ | iti namaskṛtya praṇavamuccārya stotrādivācanārambhaṃ kuryāt | nārāyaṇaṃ namaskṛtya naraṃ caiva narottamam | devīṃ sarasvatīṃ vyāsaṃ tato jayamudīrayet | iti vacanāt | aṣṭādaśapurāṇāni rāmasya caritaṃ tathā | viṣṇudharmādiśāstrāṇi śivadharmāṃśca bhārata | kārṣṇaṃ ca pañcamo vedo yanmahābhārataṃ smṛtam | śaivāśca dharmā rājendra mānavoktā mahīpate | jayeti nāma caiteṣāṃ pravadanti manīṣiṇaḥ | iti bhaviṣyatpurāṇe jayaśabdavyākhyānāt | praṇavaṃ cādito japtvā stotraṃ vā saṃhitāṃ japet | ante ca praṇavaṃ dadyādanyathā viphalaṃ bhavet | iti mātsyavacanāt | anye'pi niyamāstatraivoktāḥ-śuddhenānanyacittaina paṭhitavyaṃ prayatnataḥ | na kāryāsaktamanasā kāryaṃ stotrasya vācanam | ādhāre sthāpayitvā tu pustakaṃ prajapetsudhīḥ | hastasaṃsthāpanādeva yasmādalpaphalaṃ bhavet | svayaṃ ca likhitaṃ yacca kṛtinā likhitaṃ ca yat | abrāhmaṇena likhitaṃ