Abdadidhiti 3.p46

Abdadīdhiti 3.p46

Language: Sanskrit

3.p46

atra ca durgāpūjāpāṭhakumārīpūjanādīni dinavṛddhyā kāryāṇi—yadādye divase kuryāccaṇḍikāpūjanādikam | dviguṇaṃ tu dvitīye'hni triguṇaṃ tatpare'hani | navamītiyiparyantaṃ vṛddhyā pūjājapādikam | iti hemādrau devīpurāṇāt—ekottaravivṛddhyā tu navamīṃ yāvadeva tu | caṇḍīpāṭhaṃ japeccaiva jāpayedvā vidhānataḥ | iti devīpurāṇācca | ekaikottarayā vṛddhyā rūpāṇi parikīrtayet | tathaiva kanyakāvipradvayānāṃ vṛddhiruttamā | iti ḍāmarakalpavacanācca | kāmanāviśeṣeṇa skānde—ekaikāṃ pūjayetkanyāmekavṛddhyā tathaiva ca | dviguṇaṃ vāpi pratyekaṃ navakaṃ navakaṃ tu vā | iti | navabhirlabhate bhūmimaiśvaryaṃ dviguṇena tu | ekavṛddhyā labhetkṣemamekaikena śriyaṃ labhet | iti

Previous: 3.p45
Next: 3.p47
Up: 3

Linked texts (1)

Saṃvatsaradīdhiti — Anantadeva 1650, Sanskrit