Abdadidhiti 3.p49

3.p49

yātrāvidhiḥ śivarahasye—tatraiva vimalā durgā tiṣṭhatyamalalocanā | sarvadurgaharā nityaṃ svabhaktābhayadāyinī | tatrāśvine śuklapakṣapratipadyavadhi priye | navamīdinaparyantaṃ pūjā kāryā prayatnataḥ | sā sarvārttiharā devī nityaṃ kāśīnivāsinī | pūjitā bhaktavaradā bhavatyeva na saṃśayaḥ | atha pratipadādikrameṇa viśeṣo bhaviṣye—keśasaṃskāradravyāṇi dadyātpratipaddine | paṭṭadoraṃ dvitīyāyāṃ keśasaṃcayahetave | darpaṇaṃ ca tṛtīyāyāṃ sindūrālaktakaṃ tathā | madhuparkaṃ caturthyāṃ tu tilakaṃ netramaṇḍanam | pañcamyāmaṅgarāgaṃ ca śayyālaṅkaraṇāni ca | ṣaṣṭhayāṃ bilvatadau bodhaṃ sāyaṃ saṃdhyāsu kārayet | saptamyāṃ prātarānīya gṛhamadhye prapūjayet | upoṣaṇamathāṣṭamyāmātmaśaktyā ca pūjanam | navamyāmugracaṇḍāḥ pūjāṃ kuryādbaliṃ tathā | kumārī pūjanīyā ca bhūṣaṇīyā ca bhūṣaṇaiḥ | saṃpūjya preṣaṇaṃ kuryāddaśamyāṃ śavarotsavaiḥ | anena vidhinā yastu devīṃ pūjayate naraḥ | skandavatpālayettaṃ tu devī sarvāpadi sthitam | iti