Nirnayasindhu 17.5
Nirṇayasindhu 17.5
- Language
- Sanskrit
17.5
atha pratipadādiṣu viśeṣo durgābhaktitaraṃgiṇyāṃ bhaviṣye- "keśasaṃskāradravyāṇi pradadyātpratipaddine | pakvailaṃ dvitīyāyāṃ keśasaṃyamahetave " | paṭṭadoramiti gauḍapādaḥ || "darpaṇaṃ
ca tṛtīyāyāṃ sindūrālaktakaṃ tathā | madhuparkaṃ caturthyāṃ tu tilakaṃ netramaṇḍanam || pañcamyāmaṅgarāgaṃ ca śaktyālaṃkaraṇāni ca | ṣaṣṭhyāṃ bilvatarī bodhaṃ sāyaṃ saṃdhyāsu kārayet
saptamyāṃ prātarānīya gṛhamadhye prapūjayet | upoṣaṇamathāṣṭamyādātmaśaktyā ca pūjanam
navamyāmagracaṇḍāyāḥ pūjāṃ kuryādvaliṃ tathā | saṃpūjya preṣaṇaṃ kuryāddaśamyāṃ sāravotsavaiḥ
anena vidhinā yastu devīṃ prīṇayate naraḥ | skandavatpālayeddevīṃ taṃ putradhanakīrtibhiḥ "
Linked texts (5)
- Smṛtikaustubha — Anantadeva 1638, Sanskrit
- Saṃvatsaradīdhiti — Anantadeva 1650, Sanskrit
- Abdadīdhiti — Anantadeva 1645, Sanskrit
- Durgābhaktitaraṅgiṇī (Vidyāpati) — Vidyāpati, Sanskrit
- Durgābhaktitaraṅgiṇī (Vīrasiṃha) — Vīrasiṃha, Sanskrit