Abdadidhiti 3.p55

3.p55

tatra digvi śeṣābhimukhatvaniyamo durgābhaktitaraṅgiṇyāṃ devīpurāṇe-yāmya syācchubhadā durgā pūrvā syājjayavardhinī | paścimābhimukhī nityaṃ na sthāpyā saumyadikmukhī | iti | prāṇapratiṣṭhāṃ kṛtvā pratiṣṭhāmantreṇa svaśākhoktena dvijaḥ pratiṣṭhāpayet | śūdraḥ supratiṣṭhitā bhavetyanena | tataḥ sapuṣpākṣatairāvāhayet |-āvāhayāmyahaṃ devīṃ mṛnmaye śrīphale tathā | kailāsaśikharāddevi vindhyādrerhimaparvatāt | āgatya bilvaśākhāyāṃ caṇḍike kuru saṃnidhim | bhagavati durge ihāgaccheti | tataḥ-sthāpitāsi mayā devi śrīphale mṛnmaye'pi vā | āyurārogyamaiśvaryaṃ dehi devi namo'stu te | bhagavati durge iha tiṣṭhetyuktvā-durge durgasvarūpāsi suratejomahābale | sadānandakare devi prasīda mama siddhaye | ehyehi bhagavatyamba śatrukṣayajayaprade | bhaktitaḥ pūjayāmi tvāṃ durge devi surārcite | pallavaiśca phalopetaiḥ puṣpaiśca sumanoharaiḥ | pallave saṃsthite devi pūjaye tvāṃ prasīda me | durge devi samāgaccha sāṃnidhyamiha kalpaya | yajñabhāgāngṛhāṇa tvaṃ yoginīkoṭibhiḥ saha | iti vadet | tato jayantīmantānte durgāyai nama idaṃ pādyaṃ ityevaṃ pādyādyupacārāndadyāt | tatra pādyaṃ gandhapuṣpādiyuktaṃ sauvarṇādipātre | ardhyaṃ gandhapuṣpākṣatakuṅkumadadhidūrvākuśātilaphalabilvapatrasahitam | ācamaṇīyānantaraṃ pañcāmṛtasnānaśuddhodakasnāne | tataḥ punarācamanīyaṃ | vastraṃ 0 | punarācamanīyaṃ | candanaṃ ca dattvā oṃdurgāyai nama iti mantrāvṛttyā puṣpāñjalitrayaṃ dadyāt | tataḥ—amṛtodbhavaḥ śrīvṛkṣaḥ śaṃkarasya sadā priyaḥ | bilvapatraṃ prayacchāmi pavitraṃ te sureśvari | brahmaviṣṇuśivādīnāṃ droṇapuṣpaṃ sadā priyam | tatte durge prayacchāmi sarvakāmaprasiddhaye | iti mantrābhyāṃ bilvapatraṃ droṇapuṣpaṃ ca samarpya | punarjayantītyādimantreṇa sugandhipuṣpāṇi-imāni puṣpāṇi durgāyai nama iti samarpya tenaiva dhūpādidakṣiṇāntānupacārāndattvā namaskṛtya mahiṣaghnīti mantreṇa stutvā—kuṅkumena samālabdhe candanena vilepite | bilvapatrakṛtāpīḍe durge'haṃ śaraṇāgataḥ | iti | sarvamaṅgalamāṅgalye rūpaṃ dehīti ca dvābhyāṃ prārthayet | tato māṣabhaktabaliṃ dadyāt | evamevāṣṭamīnavamīdaśamīdineṣvapi pūjā bodhyā