Nirnayasindhu 21.6

21.6

iti samprārthya || ‘oṃ huṃchiṃdhi phaṭ phaṭ | ‘oṃ phaṭ svāhā iti
chittvā saṃpūjya| oṃ cāmuṇḍe cala cala’ iti vādyaghoṣeṇa devīṃ tāṃ ca gṛhaṃ praveśya | “āropitāsi durge tvaṃ mṛnmayyāṃ śrīphale'pi ca | sthirā nitāntaṃ bhūtvāḥca gṛhe tvaṃ kāmadā bhava” iti
sthirīkṛtya, rambhādipatrikāḥ pañcagavyena ca pañcāmṛtena ca snāpayitvā, vastreṇāveṣṭya, sthāpayet | itaḥ pūrvavatsaṃkalpaṃ kṛtvā'kṣatānādāya devīmāvāhayet || tatra mantraḥ- "āvāhayāmyahaṃ devi mṛnmayyāṃ śrīphale tathā | kailāsaśikharāddevi viṃdhyādrerhimaparvatāt || āgatya
bilvaśākhāyāṃ caṇḍike kuru sannidhim | sthāpitāsi mayā durge pūjaye tvāṃ prasīda me
āyu rārogyamaiśvaryaṃ dehi devi namo'stute | durge durgasvarūpāsi suratejomaye'rcite || sadānandakare devi prasīda mama siddhaye | ehyehi bhagavatyamba śatrūkṣayajayaprade || bhaktitaḥ
pūjayāmi tvāṃ durge devi surārcite | pallavaiśca phalopetaiḥ puṣpaiśca sumanoharaiḥ || pallave saṃsthite
devi pūjaye tvāṃ prasīda me | durge devi ihāgaccha sāṃnidhyamiha kalpaya || yajñabhāṃgānangṛhāṇa tvaṃ yoginīkoṭibhiḥ saha”