Abdadidhiti 4.p1

4.p1

sahasracaṇḍīvidhiḥ rudrayāmale—sahasracaṇḍīṃ vidhivacchṛṇu viṣṇo mahāmate | rājyabhraṃśādiprakṛtya | ityādivividhe duḥkhe kṣayarogādije bhaye | sahasracaṇḍī kāryā tu kuryādvā kārayettathā | jāpakāstu śataṃ proktā viṃśaddhastaśca maṇḍapaḥ | bhojyāḥ sahasraṃ viprendrāḥ śataṃ gāvaśca dakṣiṇā | gurave dviguṇaṃ deyaṃ śayyādānaṃ tathaiva ca | saptadhānyaṃ ca bhūdānaṃ śvetāśvaṃ ca manoharam | pañcaniṣkamitā mūrtiḥ kartavyā parimāṇataḥ | aṣṭādaśabhujā devī sarvāyudhavibhūṣitā | avāritānnaṃ dātavyaṃ sahasraṃ pratyahaṃ vibho | śataṃ vā niyatāhāraḥ payaḥpānena vartayet | evaṃ yaścaṇḍikāpāṭhaṃ sahasraṃ tu samācaret | tasya syātkāryasiddhistu nātra kāryā vicāraṇā | iti