Abdadidhiti 4.p12

4.p12

śvari | brāmhaṇosyeti dīpaṃ | modakāpūpalaḍḍūkavaṭakodumbarādibhiḥ| saghṛtaṃ pāyasenānnaṃ naivedyaṃ pratigṛhyatām | candramāmanasa iti naivedyaṃ | madhyepānīyaṃ | uttarāpośanaṃ | karpūravāsitaṃ toyaṃ mandākinyāḥ samāhṛtam | ācamyatāṃ hi lalite tena tvaṃ parameśvari | punarācamanaṃ | hastaprakṣālanaṃ | mukhaprakṣālanaṃ | malayācalasaṃbhūtaṃ karpūreṇa samanvitam | karodvartanakaṃ devi gṛhyatāṃ lalite śubham | candanena karodvartanaṃ | idaṃ phalaṃ mayā devi sthāpitaṃ puratastava | tena me suphalāvāptirbhaveñjanmani janmani | phalaṃ | karpūrailālavaṅgāditāmbūlīdalasaṃyutam | kramukasya phalaṃ caiva tāmbūlaṃ pratigṛhyatām | tāmbūlaṃ | vajramāṇikyavaidūryamuktāvidrumabhāvitam | puṣparāgeṇa khacitaṃ hemapuṣpaṃ pragṛhyatām | suvarṇapuṣpaṃ | hiraṇyagarbha iti hiraṇyaṃ | śriyejāta iti nīrājanaṃ | anyathā śaraṇaṃ0 nābhyāāsīditi namaskāraḥ | yānikānica0 saptāsyāsanniti pradakṣiṇā | yajñenayajñaṃ jātavedase iti puṣpāñjaliḥ | putrāndehi yaśo dehi dehi saubhāgyasaṃpadau | avaidhavyaṃ ca me dehi sarvānkāmāṃśca dehi me | iti prārthanā | śrīdevyainamaḥ kumāryai0 bhavānyai0 kātyāyanyai0 sarasvatyai0 nāgaiśvaryai0 varadāyai0 padminyai0 padmakesaranivāsinyai0 mahiṣāsuramarddinyai0 iti nāmabhiḥ | dūrve pīyūṣasaṃbhūte śatamūle śatāṅkure | śataṃ nāśaya pāpānāṃ dhanāyurvarddhanaṃ kuru | iti dūrvāṃ abhimantrya | tvaṃ dūrve amṛtotpanne vanditāsi surāsuraiḥ | saubhāgyaṃ sarvasaṃpattiṃ dehi sarvaphalaprade | dūrvācchedanamantraḥ | atha dūrvāṅkurānsāgrāṃścatvāriṃśattathāṣṭabhiḥ | adhikāndṛsta ādāya mantrametaṃ japedbudhaḥ | bahuprarohā satatadamṛtā haritā latā | yatheyaṃ lalite mātastathā me syurmanorathāḥ | ityuktvā pūjayeddevīmevamevaṃvidhaṃ sudhīḥ | catvāriṃśatkṛtvastu aṣṭakṛtvaḥ samācaret | tato vāṇakamādāya viśalyā vaṭakādibhiḥ | paṭhyamānena mantreṇa ācāryāya nivedayet | upāṅgalalitādevyā vratasaṃpūrtihetave | vāṇakaṃ dvijavaryāya sahiraṇyaṃ dadāmyaham | lalitāpratigṛhṇāti0 | iti vāṇakamantraḥ | ardhaṃ viprāya dātavyamardhamātmani bhojayet | tataḥ kathāṃ samākarṇya vāṇakānnasya saṃkhyayā | svayamadyāddevātnaṃ vāgyataḥ sahabāndhavaiḥ | rātrau jāgaraṇaṃ kuryānṛtyagītādimaṅgalaiḥ | prabhāte pūjayeddevīṃ niśi vā syādvisarjanam | savāhanā śaktiyutā lalitā pūjitā mayā | mātarmāmanugṛhṇātha gamyatāṃ nijamandiram | iti visarjanaṃ | atracāthadūrvāṅkurānitiśloke'ṣṭacatvāriṃśatsaṃkhyadūrvāgrahaṇaṃ prakṛtya devīmityantena samantrāṃ tābhiḥ pūjāṃ vidhāya, evamityanena pādyayeṇa tādṛśapūjāyā aṣṭacatvāriṃśadvāramabhyāso vidhīyate | labhyate cātrācārasaṃvādaḥ