Abdadidhiti 4.p11

4.p11

atha pūjā | tithyādisaṃkīrtya śrīlalitādevīvratoktaphalāvāptyarthaṃ pūjanamahaṃ kariṣye | āsanādikalaśapūjāntaṃ kṛtvā pīṭhe vidhivatkalaśaṃ saṃsthāpya pūjāṃ kuryāt | dhyānam | nīlakauśeyavasanāṃ hemābhāṃ kamalāsanām | bhaktānāṃ varadāṃ nityaṃ lalitāṃ cintayāmyaham | dhyānaṃ | āgaccha lalite devi sarvasaṃpatpradāyini | yāvadvrataṃ samāpyeta tāvattvaṃ saṃnidhau bhava | sahasraśīrṣetyāvāhanaṃ | kārtasvaramayaṃ divyaṃ nānāmaṇigaṇānvitam | anekaśaktisaṃyuktamāsanaṃ pratigṛhyatām | puruṣaevetyāsanaṃ | gaṅgādisarvatīrthebhyo mayā prārthanāyāhṛtam | toyametatsukhasparśaṃ pādyārthaṃ pratigṛhyatām | etāvānasyeti pādyaṃ | nidhīnāṃ sarvaratnānāṃ tvamanarghyaguṇā hyasi | tathāpi bhaktyārādhye tvāṃ gṛhāṇārghyaṃ namostu te | tripādūrdhvaityarghyaṃ | pāṭalośīrakarpūrasurabhi svādu śītalam | toyamācamanīyaiārthaṃ śiśiraṃ pratigṛhyatām | tasmādvirāḍityācamanīyaṃ | mandākinyāḥ samānītaṃ hemāmbhoruhavāsitam | snānāya te mayā bhaktyā nīraṃ svīkriyatāmidam | yatpuruṣeneti snānaṃ | atrāpyāyasvetyādipañcāmṛtasnānaṃ pūrvapūjanaṃ ca | mahābhiṣekaḥ | sarvabhūṣādhike saumye loka lajjānivārake | mayopapādite tubhyaṃ vāsasī pratigṛhyatām | taṃyajñamiti vastraṃ | tasmādyajñāditi yajñopavītaṃ | malayācalasaṃbhūtaṃ ghanasāraṃ manoharam | hṛdayānandanaṃ cāru candanaṃ pratigṛhyatām | tasmādyajñāditi gandhaṃ | akṣatā vimalāḥ śuddhā muktāmaṇisamaprabhāḥ | bhūṣārthaṃ ca mayā devi dehi me nirmalāṃ dhiyam | hiraṇyarūpa ityalaṃkārārthe akṣatāḥ | haridrādisaubhāgyadravyaṃ | nāgaketakapunnāgacampakebhyaḥ samāhṛtāḥ | śubhāḥ sumanaso devi pūjārthaṃ pratigṛhyatām | tasmādaśvā iti puṣpaṃ | tataḥ puṣpaiḥ pratyaṅgapūjā | upāṅgalalitāyai namaḥ pādau pūjayāmi | bhagavatyai0 gulphau0 | siddhaiśvaryai0 jaṅghe0 | bhadrakālyai0 jānū0 | śriyai0 ūrū0 | viśvarūpiṇyai0 kaṭiṃ0 | devyai0 nābhiṃ0 | varadāyai0 kukṣiṃ0 | śivāyai0 hṛdayaṃ0 | vāgīśvaryai0 skandhau0 | mahādevyai0 bāhū 0 | prakṛtibhadrāyai0 karau0 | padminyai 0 maṇibandhaṃ0 | sarasvatyai0 mukhaṃ0 | padmakesaravāsinyai0 nāsikāṃ0 | mahiṣāsuramardinyai0 netre0 | lakṣmyai0 karṇau0 | bhavānyai 0 lalāṭaṃ0 | vindhyavāsinyai0 śiraḥ | siṃhavāhanāyai0 sarvāṅgaṃ pū0 | devadrumarasodbhūtaḥ kālāgarusamanvitaḥ | āghreyatāmayaṃ dhūpo bhavāni ghrāṇatarpaṇaḥ | yatpuruṣamiti dhūpaṃ | cakṣurdaṃ sarvalokānāṃ timirasya nivāraṇam | ārtikyaṃ kalpitaṃ bhaktyā gṛhāṇa parame-