Abdadidhiti 4.p7.3
Abdadīdhiti 4.p7.3
- Language
- Sanskrit
4.p7.3
kadāciddetāsu pūjāsu strīkartṛkatvaprasaktāvapi revantapūjāṃ strī na kuryāt | abhūddvai pūrvabhūpasya pahnyā revantapūjane | sūnunāśastato nārī na niyojyā tadarcane | iti govindārṇave sārasindhuvacanāt | sarvapūjānte kuṇḍe gṛhyoktavidhināgnisathāpanādi | tato grahāṇāmāvāhanādi | tato gṛhyoktavidhinā vāyavyādiliṅgairmantrairekaviṃśatirājyāhutīrjuhuyāt | oṃkārapūrvakairmantraistalliṅgairjuhuyāddrutam | iti bhaviṣyokteḥ | vāyavāyāhidarśeteti tisrṛṇāṃ madhucchandā vāyūrgāyatrī vājinīrājanapradhānājyahome0 | vāyavāyāhi0 vāyaukthebhiḥ0 vāyosava0 vāyavidṃ0 | nahitekṣatramititisṛṇāmājīgartiḥ śunaḥśepo varuṇastriṣṭup | vājinī0 | nahite kṣatraṃ0 | abudhnairājā0 | uruṃhirājā0 | varuṇāyedṃ0 | udutyamiti tisṛṇāṃ kāṇvaḥ praskaṇvaḥ sūryo gāyatrī | udutyaṃ0 apatye0 adṛśramasya0 sūryāyedṃ0 | ukthamitidvayormadhucchandāḥ śakronuṣṭup | ukthaṃrmiṃ0 | tamittasakhi0 | śakrāyedṃ | jyeṣṭhenasotarityāṃgirasomedhātithiḥ śakro gāyatrī | jyeṣṭhenasota0 | śakrāyedṃ0 | atode vāititisṛṇāṃ medhātithirviṣṇurgāyatrī | atodevā0 idaṃviṣṇu0 trīṇipadā0 viṣṇavidṃ0 | omāsa iti tisṛṇāṃ madhucchandā viśvedevā gāyatrī | oṃomāsa0 viśvedevāsoapmura0 viśvevāsoastridha0 | viśvebhyodevebhyaidaṃ0 | agnimīḷa iti tisṛṇāṃ madhucchandā agnirgāyatrī | agnimīḷe0 agniḥ pūrvebhiḥ0 agninā0 agnayaidaṃ0 | atha yajuḥśākhini yajamāne'pekṣitāstattacchākhīyamantrā likhyante | pīvo annāṃ-rāyenu-ānoniyudbhiriti tisṛṇāṃ vasiṣṭhaṛṣiḥ vāyurdevatā triṣṭupchandaḥ | vājinīrājana0 evamagrepi viniyogaḥ |
Linked texts (2)
- Smṛtikaustubha — Anantadeva 1638, Sanskrit
- Saṃvatsaradīdhiti — Anantadeva 1650, Sanskrit