Abdadidhiti 7.p25.9
Abdadīdhiti 7.p25.9
- Language
- Sanskrit
7.p25.9
tava vāre tu saṃprāpte yastilānlohasaṃyutān | śaktyā dadāti no tasya pīḍā kāryā tvayā prabho | kṛṣṇāṃ gāṃ yastu viprāya tavoddeśena yacchati | ardhāṣṭasāmikī pīḍā tasya kāryā tvayā naca | śamīsamidbhiryo homaṃ tavoddeśena nirvapet | tathā kṛṣṇatilaiścaiva kṛṣṇapuṣpānulepanaiḥ | pūjāṃ karoti yastubhyaṃ dhūpaṃ vai gugguluṃ dahet | kṛṣṇavastreṇa saṃveṣṭya tyājyā tasya tvayā vyathā | sūta uvāca | evamuktaḥ śanistena bāḍhamityeva jalpya ca | nāradaṃ samanujñāpya jagāma nijasaṃśrayam | iti | hemādrau bhaviṣye ravivāraṃ prakṛtya—naktaṃ kurvanti ye tvatra mānavāstaṃ samāśritāḥ | japamānāḥ paraṃ japyamādityahṛdayaṃ param | ārogyamiha vai prāpya sūryalokaṃ vrajanti te | upavāsaṃ ca kurvanti ye tvādityadine sadā | japanti ca mahāśvetāṃ labhante'bhīpsitaṃ phalam | ādityasya dine yastu japamāno gaṇādhipa | ṣaḍakṣaraṃ mahaśvetaṃ gacchedrocanaṃ padam | iti | mahāśvetamantraḥ | hrīṃhrīṃ namaḥ khakholkāyanamaḥ mahāśvetāya hrīṃhrīṃsaḥ iti | ṣaḍakṣaraḥ—hrīṃhrīṃ saḥ sūryāya iti |—yo vai sūryadine bhaktyā bhānuṃ saṃpūjya śraddhayā | naktaṃ karoti puruṣaḥ sa yāti paralokatām | iti
Linked texts (6)
- Kṛtyakalpataru — Lakṣmīdhara Bhaṭṭa, Sanskrit
- Varṣakriyākaumudī — Govindānanda Kavikaṅkaṇa 1510, Sanskrit
- Smṛtikaustubha — Anantadeva 1638, Sanskrit
- Kriyākaumudī (Govindānanda) — Govindānanda 1500, Sanskrit
- Kṛtyamahārṇava — Vācaspatimiśra, Sanskrit
- Saṃvatsaradīdhiti — Anantadeva 1650, Sanskrit