Dharmasindhu p236.3

p236.3

bhava naukāsya dānena garbhaṃ saṃdhāraye hyaham 1 itimantreṇa viprasvanāmagotre uccārya tāmrapātrasthadadhyājyasaṃsthaṃ supūjitaṃ sottarīyakamidaṃ yajñopavītaṃ garbhasrāvanidānadoṣaparihāradvārā śrīparameśvaraprītyarthaṃ tubhya mahaṃ saṃpradade na mama pratigṛhyatām vipraḥ pratigṛhṇāmītyādi yathāśakti dakṣiṇāṃ dattvānyebhyopi yathāśakti dakṣiṇāṃ dattvā pratigrahīturanuvrajya namaskārakṣamāpanādi kṛtvā viprabhojanaṃ saṃkalpya karmeśvarāyārpayet etacca sravadgarbhā bhavetsā tu bālaṃ hanti yā viṣai rityukterbālahatyāprāyaścittaṃ kṛtvā kāryam anyatra tu svarṇadhenudānaharivaṃśaśravaṇādīnyuktvā ghṛtapūrṇatāmrakalaśadānādividhānānyuktāni 15 atha sūtikāgṛhapraveśaḥ gṛhe nairṛtyāṃ sūtikāgṛhaṃ kṛtvā tatrāśvinīrohi ṇīmṛgapunarvasupuṣyottarāhastacitrāsvātyanurādhādhaniṣṭhāśatatārakānakṣatreṣu riktādivarjyatithau candrānukūlye śubhalagne sūtikāpraveśo govipradevapūjanaṃ kṛtvā mantravādyaghoṣeṇa sāpatyastrībhiḥ saha kāryaḥ asaṃ bhave sadyovā 16 atha sukhaprasavakaram prasavapratibandhe ṛgvidhāne pramandine ityṛcaṃ vijihīṣveti sūktaṃ vā japet etābhyāmabhimantritajalaṃ vāpāyayet tena sukhaprasavaḥ śīghraprasavamantrastu himavatyuttare pārśve surathānāmayakṣiṇī |