Dharmasindhu p236.4

p236.4

tasyāḥ smaraṇamātreṇa viśalyā garbhiṇī bhavet 1 oṃ kṣīṃ oṃ svāhetimantreṇa dūrvāṅkureṇa tilatailaṃ śataṃ sahasraṃ vā'bhimantrya kiṃcitpāyayet kiṃcinmātrasya garbhalepaśca samyaglepe śīghraṃ sukhaprasavaḥ asthimātrāvaśiṣṭagomastakasya sūtikāgṛhoparinidhāne sukhaprasavaḥ vaṃśanimbayostvak tulasīmūlaṃ kapitthapatraṃ karavīrabījaṃ ca samabhāgaṃ mahiṣīdugdhena peṣayitvā tena tailena yonirlepe sadyaḥ prasavaḥ 17 atha jātakarma mūlajyeṣṭhāvyatīpātādāvanutpannasya jātamātrasya putrasya pitā mukhaṃ kuladevatā vṛddhapraṇāmapūrvaka mavalokya nadyādāvudaṅmukhaḥ snāyāt tadasaṃbhave gṛhe'ānītābhiḥ śītābhiḥ svarṇayutābhiradbhiḥ snāyāt etacca rātrāvapinadyādau kāryam aśakto rātrāvagnisannidhau svarṇayutaśītodakaiḥ mūlādiṣu janane tu mukhamadṛṣṭvaiva snānam deśāntaragatejanake putrajanmaśravaṇottaraṃ snānam sarvatra snānātprāgaspṛśyatvam evaṃ kanyotpattāvapi snānāṃtatyāgaspṛśyatvaṃ ca jñeyam anyasapiṇḍāśaucamadhye jananepi pitu stātkālīkī snānadānādau jātakarmaṇi ca śuddhiḥ kecinmṛtāśauce putrajanane jātakarmārśaucānte kāryamityāhuḥ nālacchedanātpūrvaṃ saṃpūrṇasaṃdhyāvandanādikarmaṇi nā śaucam prathamadine pañcamaṣaṣṭhadaśamadine ca dānapra-